【2024義工發展】做義工的5大好處
想為社區發展出一分力，但又覺得傳統義工服務例如淨灘（Beach cleanup）、長者探訪（Elderly Visit）、賣旗（Flag-selling）要投入太多時間？其實2023年嘅義務工作方式已經比以前更加多元，技能義工（Skilled-volunteers）就係其中之一！技能義工會運用個人技能同專長，為NGO（非牟利組織）提供專業嘅義工服務。
傳統義工服務成日強調「助人為快樂之本」，但技能義工喺服務中得到嘅點止快樂咁簡單？以下係做技能義工嘅5大好處，同技能義工嘅服務種類介紹：
目錄
1）做技能義工的5大好處
（一）靈活安排自己時間
（二）義工服務形式多樣
（三）提供技能實戰機會
（四）拓展人際網絡
（五）發掘個人興趣
2）技能義工的4大種類
（一）辦公室技能支援
（二）現場活動技能支援
（三）專業建議和諮詢
（四）培訓導師
3）香港義工配對平台推介
1）做技能義工的5大好處
做技能義工的好處：（一）靈活安排自己時間
香港人生活繁忙，未必每個人都可以抽時間出嚟參與實體服務。而技能義工好多時都唔需要去NGO嘅實體辦公室，義工可以靈活安排自己嘅工作時間同工作地點，喺服務時間內遠程（Remote working）完成義工服務，每個月抽幾個自己得閒的時間就可以做義工，自由度更大！
做技能義工的好處：（二）義工服務形式多樣
技能義工工種多元，可以根據自己嘅專長選擇自己可以勝任嘅義工機會；亦都可以從NGO嘅關注議題入手，選擇自己感興趣嘅服務項目；甚或乎可以根據自己慣用嘅工作模式，去選擇參與個人專案（Individual project）或者團隊專案（Team project），營造最舒適嘅義務工作氛圍！
做技能義工的好處：（三）提供技能實戰機會
技能義工係證明個人能力嘅好機會，Swire Trust Go Giver 2022得獎者 Carissa 就係例子之一！Carissa商業出身，疫情期間想轉行做UX/UI網頁設計，自學成材但苦無實戰經驗。於是Carissa透過義工配對平台搵到網頁設計義工服務，最後成功以義工經驗轉行成為UX/UI正職設計師。想轉行或者係未有工作經驗嘅大學畢業生（University graduates）可以喺履歷表（Resume）入面寫低服務紀錄，證明自己有工作經驗，增加面試機會，提升求職競爭優勢！
做技能義工的好處：（四）拓展人際網絡
技能義工嘅工作或者參與嘅會議中，有機會同其他義工、NGOs、顧問、贊助商共事，認識來自商界、社福界、法律界等不同背景同工作領域嘅人，拓展人際網絡（Interpersonal network）之餘，更可以透過交流經驗增廣見聞，裝備自己嘅職場競爭優勢！
做技能義工的好處：（五）發掘個人興趣
技能義工服務種類非常多，涵蓋平面設計（Graphic Design）、翻譯（Translation）、活動策劃（Event Planning）、商業諮詢（Consultation）等各範疇。如果你「周身刀張張利」，但又知自己最適合嘅工種係咩，不妨透過技能義工機會發掘個人興趣。
心大心細做唔做義工？一於嚟睇下技能義工服務嘅4大種類啦！
2）技能義工的4大種類
技能義工種類（一）：辦公室技能支援
遠程協助NGO日常運作，例如行政支援（Administrative support）、平面設計（Graphic design）、數碼營銷（Digital marketing）、翻譯（Translation）、文案寫作（Copywriting）、項目管理（Project management）、網頁設計（Website Design）。
技能義工種類（二）：現場活動技能支援
協助NGO舉行活動，例如記者會、開幕禮、講座同聚會，需要嘅技能包括活動策劃（Event planner）、活動司儀（Event MC）、活動協調員（Event coordinator）、活動攝影（Event photography）等。
技能義工種類（三）：專業建議和諮詢
就NGO嘅長遠發展提供專業建議，例如商業諮詢（Business consulting）、營銷策略諮詢（Marketing strategy consulting）、法律意見諮詢（Legal consulting）。
技能義工種類（四）：培訓導師
成為NGO嘅活動導師，例如師友計劃嘅友師（Mentor-mentee program）、音樂老師（Music Tutor）、語文老師（Language tutor）。
3）香港義工配對平台推介
義工服務計劃眾多，望落好似好多選擇，難以落手？不如試用香港義工配對平台Time Auction！
Time Auction喺2014年成立，致力推動義工文化，至今已為本地超過700+ NGO招募同配對技能義工，而每個禮拜都有近100個義工服務等緊你去報名幫手！
平台上超過70%嘅義工專案係線上或遙距，超過50%的專案是個人專案，等義工可以在家做義工，相較團體活動有較大時間彈性同自由度。每項義工服務更加會寫明預計需要投放嘅時間，方便義工安排個人日程。
喺Time Auction平台上，你可以從服務範疇、擅長技能、服務所需時數等一站式篩選、搜尋到最啱你、符合你專長嘅義工服務；兼且可以記錄服務時數，換取各種千載難逢嘅獎賞體驗！
做義工可以幫人又可以換獎賞，即Click以下連結開始啦！
