1 results
ENTP（辯論家）係一種有外向型、直覺型、思考型同埋展望型特質嘅人格類型。佢哋通常大膽同埋好有創造力，能夠迅速咁拆解同埋重組諗法。佢哋唔理會可能遇到嘅任何阻礙，積極追求自己嘅目標。 ENTP性格類型（辯論家）嘅人諗嘢好快、好大膽，佢哋唔驚同現狀產生分歧。事實上，佢哋唔驚同任何嘢或者任何人產生分歧。好少有嘢可以比起爭辯更加能夠點燃佢哋嘅激情，如果交談涉及到有爭議嘅領域，佢哋就會更加投入。 但係，如果將ENTP嘅人睇成係唔合群或者尖酸刻薄嘅人，咁就大錯特錯喇。相反，呢種人格類型嘅人知識淵博、好奇心強、幽默風趣，佢哋可以帶俾人難以置信嘅樂趣。 佢哋係MBTI人格測試 被稱為「辯論家」，佢哋只係對樂趣有一種離經叛道、逆來順受嘅諗法，而呢種諗法通常包括正面而且積極嘅激烈辯論。好多ENTP型人格嘅人意識到，佢哋理想中嘅生活同其他人緊密相關，與其將過多嘅精力花喺爭論上嘅「勝負」，倒不如利用自己認知嘅靈活性或批判性嚟理解同探索他人嘅觀點，諗下點樣去求同存異。 ENTP 嘅人格有幾罕見？根據Ball State University數據顯示，ENTP 屬於比較罕有嘅性格類型之一，佔咗大約 3.2% 嘅美國人口，當中有62%是男性、有38%是女性。 文章目錄 ENTP打破常規 ENTP以反叛同具批判性聞名。對於呢種性格嘅人嚟講，冇乜信念係神聖不可質疑嘅，亦都冇乜規則係咁重要得唔可以打破或者係唔可以重新審視嘅。呢啲可能會令ENTP型性格嘅人睇落去過份輕率或者藐視其他人，但喺本質上講，佢哋天生係傾向有更多創新同變革。 喺佢哋眼中，大部分人都太願意聽命行事，盲目順從社會規範、壓力同標準。ENTP性格嘅人鍾意質疑主流思維模式，佢哋樂於發掘弱勢同少眾人嘅價值。佢哋活躍嘅思維會不由自主咁重新思考其他人認為理所當然嘅事情，並會將呢個諗法推向新嘅方向。 雖然佢哋諗法好多又遠大，但佢哋傾向唔做實現諗頭嘅「粗重工夫」，有時佢哋好難堅持自己嘅目標。喺某程度上，呢個係有道理嘅，佢哋有太多嘅諗頭同建議，無辦法每一樣都記錄落嚟，更加唔使講將佢哋變成現實。除非 ENTP 願意確定同真正落實佢哋嘅優先事項，如果唔係佢哋可能好難充分發揮自己嘅潛能。 ENTP重視討論 ENTP嘅辯論能力可以話屬於頂級，但佢哋嘅辯論都唔一定每次都有得着嘅。當佢哋喺會議上公開質疑老細或者對另一半講嘅每句話都好挑剔嗰陣，佢哋可能會覺得自己係按照理性同邏輯行事。但喺某程度上嚟講，佢哋嘅行為可能會對自己嘅事業或者感情造成傷害。 因為唔係每個人都可以接受到叛逆心理，而且大部分人唔能夠忍受自己嘅信仰被質疑，又或者自己嘅感情被忽視。所以，ENTP可能會發現，佢哋享受討論樂趣嘅時候已經唔覺意傷害咗身邊嘅人。雖然呢啲性格嘅人因為佢哋嘅遠見、自信、博學、敏銳同富幽默感受到尊重，但佢哋需要培養出對事物敏感嘅能力，如果唔係佢哋比較難維持更深層次嘅關係，甚至難以實現自己嘅職業目標。 ENTP嘅社交表現 佢哋都知道點樣放鬆同享受樂趣，只不過對於呢啲唔喜歡閒聊嘅人嚟講，一枝酒同一場探索關乎全球危機原因同解決方法嘅討論會更加實際。但係，ENTP喺大部分情況下係一種親切、熱情嘅性格類型，幾乎喺任何情況下，只要可以進行交談，玩啲文字遊戲，同埋外出郊遊。 實際上，ENTP非常擅長同其他性格類型嘅朋友溝通。佢哋天生傾向鍾意同人討論，呢個行為都會比較容易轉化成正常嘅對話。ENTP唯一喺同其他人相處時嘅困難係情感表達。 ENTP名人代表 美國前總統奧巴馬 Barack Obama、Tesla 特斯拉汽車創始人馬斯克 Elon Musk、Apple 蘋果公司的聯合創始人喬布斯 Steve Jobs。 適合ENTP嘅義工服務 ENTP嘅人通常好有創意，鍾意解決問題，同埋享受面對挑戰。佢哋喺義工工作中尋求嘅係能夠發揮佢哋嘅智慧、解決問題嘅能力同埋提供獨特見解嘅機會。 Time Auction 有提供各種不同類型嘅義工活動去滿足ENTP嘅內在需要，包括： 仲其他更多適合ENTP性格嘅義工服務，有興趣嘅朋友可以到Time Auction登記進行配對。 其他人格測試
