【MBTI人格測試】INFP調停者分析 - INFP名人代表、INFP內向嘅社交表現？
INFP（調停者）喺MBTI人格測試中係一種具有內向、直覺、感受和探索特質嘅性格類型。呢啲罕見嘅性格類型傾向於安靜、開放同富有想像力，佢哋對於佢哋所做嘅一切都採用一種關懷同創造性嘅方法。 MBTI測試全寫為：Myers-Briggs Type Indicator，中文又稱16型人格測驗。由美國作家 Katharine Cook Briggs 同女兒 Isabel Briggs Myers共同研究後提出。
雖然佢哋可能會顯得安靜或謙遜，但擁有INFP性格類型（調停者）嘅人對生活充滿活力同熱情。佢哋富有創造力同想像力，樂於沉浸於自己嘅內心世界入面，喺心入面虛構各種故事同對話。INFP嘅人尤其敏感，令到佢哋可以自然對音樂、藝術同身邊嘅人產生情感反應。佢哋亦充滿住多愁善感同懷舊嘅特質，經常鍾意保留一啲特別嘅紀念品，令佢哋嘅日子變得明亮同埋充滿喜悅。
理想主義同同情心，擁有INFP性格類型嘅人渴望深刻、靈魂般嘅關係，並且覺得自己有責任幫助其他人。由於我哋社會嘅急速節奏和高競爭性，佢哋有時可能會覺得孤獨，漂泊喺一個似乎唔欣賞佢哋獨特之處嘅世界入面。但正因為INFP充滿咁豐富嘅敏感性同深刻嘅創造力，佢哋先至具有獨特嘅潛力去深入地聯繫同積極探索變化。
INFP嘅人格有幾罕見？根據Ball State University數據顯示，係美國人口內大約只有4.4%嘅人係INFP嘅。
文章目錄
INFP 調停者有同理心嘅天賦
INFP 嘅性格係鍾意去探索人性嘅深度。佢哋會經常自我反省，對自己嘅思想同感受好敏銳，但係佢哋都渴望了解身邊嘅人。INFP 嘅人係有具有同情心，唔容易對其他人作出批判，經常願意充當聆聽者嘅角色，聽取其他人嘅傾訴。當有人向佢哋敞開心扉或者向佢哋尋求安慰，佢哋覺得好榮幸去聽同幫忙。
同理心係 INFP 性格類型嘅最大天賦之一，但係有時亦會成為負擔。當好多人向尋求安慰嘅時候，就好似重重嘅困難壓喺佢哋身上面，因為佢哋容易受到其他人嘅負面情緒或者心態嘅影響。除非佢哋學識設定身與人之間嘅界線，如果唔係 INFP 可能會覺得有太多錯誤需要被糾正。
INFP 調停者有自我表達嘅天賦
對INFP嘅人嚟講，佢哋有敏感同埋忠於自己嘅性格，所以佢哋好渴望有機會去發揮佢哋嘅創意。正如好多出名嘅INFP都係詩人、作家、演員同埋藝術家。佢哋唔可以唔去思考生命嘅意義同目的，一路上幻想同創造各種故事、諗法同可能性。
佢哋可以透過隱喻同虛構人物，去透露佢哋內心最深處嘅想法同秘密。通過呢啲想像嘅事物，可以令佢哋去探索自己內在嘅本質，同埋佢哋喺世界上嘅位置。雖然INFP有時會表現出一種幻想多過行動嘅傾向，有時候會喺自己腦海入面同自己爭辯，直到最後一刻先決定佢哋嘅選擇。
INFP 調停者尋找自己嘅方向
成日覺得自己迷失或者無目標，直至佢哋發現自己生命嘅意義。佢哋好鍾意幫助其他人，而且有好多同情心同同理心。但係佢哋都要設定界線同埋優先自己嘅目標，唔係咁就好容易力歇筋疲。
即使面對困難同埋挑戰，INFP嘅人都可以利用佢哋嘅創造力同埋理想主義去克服。佢哋知道世界就算有好多缺陷，但係佢哋仍然想用一切方式去帶嚟正面嘅改變。呢種擇善固執可能就係 INFP 經常可以啟發其他人嘅潛能同埋帶來歡樂嘅原因。
INFP名人代表
戴安娜王妃、荷李活明星尊尼特普、歌手鄧紫棋及韓國男星朴敘俊。
適合INFP 調停者嘅義工服務
INFP性格嘅人（調停者），好多都渴望可以做一啲令自己覺得有意義嘅事情。佢哋想用自己嘅時間做自己真心鍾意嘅事而唔需要有太多壓力或者爭執。
無論佢哋做乜，INFP都希望覺得自己嘅工作可以幫助到其他人。所以，呢個性格嘅人揀選以服務為重點嘅義工服務會比較適合，例如輔導、心理學、教學或社會工作等。對於呢啲關懷、支持他人嘅性格，相信實際上幫助到某個人改善生活會帶嚟非凡意義。當然，有時INFP都適合用天馬行空嘅諗法同技能嚟幫助其他人或機構，例如影片編輯、社群媒體行銷或內容創作等工作。
Time Auction 亦有提供各種不同類型嘅義工活動去滿足嘅內在需要，包括：
- 功課輔導班導師 - 可以幫助基層家庭減輕負擔，因為多數家長文化水平較低，他們對學生的功課問題較苦惱。
- 正向童行啟迪導師 - 透過正向心理學的介入手法，學生可以認識個人情緒（Positive Me），讓關係變得正面（Positive We），營造溫暖的社區（Positive Community），協助大眾了解、體驗與實踐「幸福五元素」，提升情緒健康，促進家庭和諧。
- 義務老師 - 為基層弱勢學生提供完全免費的學習支援。
- 社群媒體內容 - 研究和創作圍繞女性賦權、身體多樣性和社會文化等主題的社交媒體帖子。
- 影片編輯 - 製作一個專業影片來宣傳醫護行者內名為 Pavigym 的新空間。
仲其他更多適合INFP性格嘅義工服務，有興趣嘅朋友可以到Time Auction登記進行配對。
