【想參與扶貧工作？】Time Auction搵到符合你專長嘅義工服務
根據政府喺2021年底發布嘅《2020年香港貧窮情況報告》（Poverty Situation Report），香港貧窮人口高達165.3萬，貧窮率達23.6%，創歷年新高，反映本港嘅貧窮問題（poverty）仍然嚴重，需要社會重視。
除左傳統嘅賣旗同探訪之外，近期流行嘅技能義工（Skilled-volunteers）係另一種參與扶貧工作嘅義工機會，俾你發揮自己嘅專長同興趣服務社會。以下係本港一啲與關注貧窮嘅非牟利機構（NGO），令你對本地嘅NGO有更多認識之餘，仲可以了解多啲佢哋嘅服務同理念：
希望之箱致力為來自貧困家庭嘅小朋友送上節日禮物，令孩子了解自己嘅處境，以及平等機會嘅重要性。
International Care Ministries 提供包括食物、醫療、教育、就業培訓等服務，協助貧困人士走出貧困，改善生活質素。
樂施會致力透過政策倡議、社區扶貧及人道救援服務，與國際社會各界人士攜手合作，實現消除貧困嘅終極目標，共建「無窮世界」。
心靈雞湯慈善基金會 ChickenSoup Foundation
心靈雞湯慈善基金會致力服務缺乏援助嘅弱勢社群，為受助家庭制定全面嘅解決方案，令佢哋同時能為社區帶來改變。
香港仁人家園 Habitat for Humanity Hong Kong
香港仁人家園為有需要家庭維修家居，締造安穩家園，並舉辦活動籌款，支援全球及本港嘅有需要家庭。
以上呢啲NGO都不時需要技能義工支持運作，如果你都想出一分力，可以考慮以下新穎有趣嘅義工服務！
義工服務（一）：文字翻譯（Translator）
部分關注貧窮人士嘅非牟利團體喺外國成立，或者喺香港需要與唔同語言或文化背景嘅服務受眾同持分者溝通，因此翻譯員嘅角色非常重要，佢哋要將英文或其他語言嘅網頁（Website）、年報（Annual report）、社交媒體（Social media）內容同文件等等資訊翻譯成中文或其他語言，以便讓更多人閱讀同理解。
想做文字翻譯嘅你需要具備良好嘅中、英文語言能力，並且有相關翻譯經驗，將文字材料準確地翻譯，並符合原文意思同用詞。
【立即申請】
義工服務（二）：活動司儀（Event MC）
非牟利組織會定期舉辦各種籌款同大型活動去宣傳理念，有時需要招募義工去擔任大會司儀，主持同協助活動順利進行。
活動司儀需要喺台上清晰地表達活動嘅流程、介紹各個嘉賓同表演隊伍，並喺後台同其他參加者溝通，所以喺事前需要熟讀講稿，亦要對機構和活動內容有一定程度嘅了解。如果你有興趣成為義工司儀，就click下面嘅連結了解有關詳情，或者直接報名！
【立即申請】
義工服務義工服務（三）：接待員、項目協調員（Receptionist & Coordinator）
由於NGO嘅自身資源有限，因此需要透過義工招募去協助機構嘅日常運作，例如辦公室接待（Reception），同埋處理來電同電郵查詢等嘅文書工作。通常呢類型嘅義工工作相對簡單，但長期需要人手，因此機構會鼓勵學生義工參與，利用課後或空餘時間去彌補機構喺人力同資源方面嘅不足，不妨考慮下！
【立即申請】
其他義工機會：香港義工配對平台推介
想知更多義工服務選擇同詳情，不妨瀏覽Time Auction技能義工服務配對平台（Skilled-Volunteer Matching Program）！Time Auction喺2014年成立，致力推動義工文化，至今已為本地超過620+ 非牟利機構（NGOs）招募同配對技能義工，而每個禮拜都有20 - 30個新義工服務等緊你去報名幫手！
係Time Auction平台上，你可以從服務範疇、擅長技能、服務所需時數等一站式篩選、搜尋到最啱你、符合你專長嘅義工服務；兼且可以記錄服務時數，換取各種千載難逢嘅獎賞體驗！
做義工幫人出分力，又可以用鐘換獎賞，即Click以下連結開始啦！
