【想支持動物福利？】Time Auction搵到符合你專長嘅動物義工活動
無論你係貓奴、狗奴定鍾意其它小動物，每隻都一樣可愛。只不過唔係每一隻小動物都咁幸運被好好愛護，甚至不幸被虐待，或因主人移民而被棄養，所以呢啲「毛孤兒」都好需要得到幫助。如果你都一樣關注動物，其實你有冇諗過參予義工活動成為特別嘅動物義工 （Animal Volunteer）— 技能義工（Skilled-volunteers），利用自己嘅專長同興趣回饋社會，嚮應義工招募都可以為呢班毛孩子出力呢？以下為大家介紹一下喺香港與「動物福利」有關嘅非牟利機構（NGO），從而對本地嘅NGO有更多認識之餘，仲可以了解多啲佢哋嘅服務同理念：
香港動物基金 Hong Kong Paws Foundation
香港動物基金希望將每隻獲救既貓狗重新安置到最合適嘅收養者。 自 2005 年已經重新安置咗數千隻貓狗，為有需要嘅毛孩提供即時護理及庇護。
香港愛護動物協會提倡善待動物，保護佢哋嘅健康和福利，並防止虐待動物。 亦致力透過人文教育，喺社區培養對生命嘅深深尊重，有利於個人成長和社會發展。
Suppaw係香港動物收養平台，以非營利嘅方式，為流浪、被遺棄和虐待的動物提供收養服務，減少動物等待收養嘅時間， 減輕動物救援志願者嘅工作量。
嘉道理農場暨植物園 Kadoorie Farm & Botanic Garden
嘉道理農場暨植物園為需要支持的農民提供農業援助，幫助他們過上獨立嘅生活； 並為公眾提供休閒同教育體驗。
Team for Animals in Lantau South (TAILS)
南大嶼山動物保護隊為有需要的貓狗提供救援、醫療、絕育、養育、庇護、寄養同領養服務，包括那些 流浪、被遺棄、受傷、虐待同忽視既貓狗，大力提倡動物福利，相信教育可以創造有利於香港動物嘅變革。
認識左香港幾間同動物福利相關嘅機構後，如果想幫手又應該點揀到啱自己專長嘅義工服務？完全唔駛擔心！除左傳統嘅賣旗、探訪外，宜家嘅義工服務已經比以前更多元化！想支持動物福利嘅你，即刻睇下有咩新穎有趣嘅動物義工服務可以出一分力：
義工服務（一）： 學校項目統籌員（School Engagement Coordinator）
人類對於生態環境嘅影響， 會直接破壞野生動物嘅棲息同生存。除咗要由自身行動減少環境破壞，對下一代嘅宣傳同教育同樣重要！透過NGO嘅環境保護計劃，你可以成為統籌員出分力，向兒童及青少年宣傳、教育有關自然野生生態保育嘅重要性，用創意嘅方式連繫之間嘅熱誠，提高年輕一代對自然保育嘅意識。
對於公關及資訊傳播（PR & Communication）有興趣或有經驗嘅朋友唔好錯過啦！畢業嘅同學更可以獲取更多社會實踐機會 ！
義工服務（二）： 流浪犬收容所義工（Dog Shelter Support）
週未如果想親親大自然之餘，亦想為可愛嘅狗狗出一分力，不妨考慮成為流浪犬收容所義工，可以係狗狗庇護所內幫手餵飼流浪犬、清潔設施、同狗狗沖涼同散步⋯⋯每個月只需抽幾小時就可以支持到，又有意義又可以同狗仔互動。
義工服務（三）： 網絡內容創作者（Digital Content Creator）
出Post、拍下video，呢類內容創作（Content Creation) 喺而家Gen Z非常流行，不但可以發揮創意，仲可以有Marketing宣傳嘅影響力。識得網上營銷或有一定Digital Marketing工作背景嘅朋友，就可以善用呢方面嘅技能出分力，為流浪、被遺棄和虐待嘅動物發聲，幫毛孩子快啲搵到好嘅歸宿。
只需要簡單為NGO更新Facebook同Instagram嘅內容資訊，提高社會對動物福利問題嘅關注就可以！想了解同學習Digital Marketing嘅朋友，不容錯過呢個義工機會啦！
香港義工配對平台推介
想知更多義工活動嘅服務種類同選擇，不妨瀏覽Time Auction技能義工服務配對平台（Skilled-Volunteer Matching Program）！Time Auction喺2014年成立，致力推動義工文化，至今已為本地超過640+ 非牟利機構（NGOs）招募同配對技能義工，而每個禮拜都有近100個新義工服務等緊你去報名幫手！
係Time Auction平台上，你可以從服務範疇、擅長技能、服務所需時數等一站式篩選、搜尋到最啱你、符合你專長嘅義工服務；兼且可以記錄服務時數，換取各種千載難逢嘅獎賞體驗！
做義工幫人出分力，又可以用鐘換獎賞，即Click以下連結開始啦！
