同朋友食飯嘅時候，總會有人呻下工作上嘅煩惱。特別係同一行業做左多年嘅「打工仔」怨氣特別大，總覺得工作反覆、沉悶，甚或想轉行。但當佢講起放假時候，做佢有興趣嘅事，就講到眉飛色舞。就算係做義工工作，要花時間、心機，好似仲辛苦過返工，但總有唔少朋友唔介意，仲希望將有興趣嘅義工工作變成職業。 將興趣變為職業聽落好似好難，怕自己係咪真係鐘意呢個興趣，又驚履歷表(CV)上寫唔出喺新行業嘅經驗而冇人請。想化解呢啲疑問，義工工作可能就幫到手。 目錄 （一）點解唔鐘意返工 但係鐘意做義工？ （二）為轉行儲經驗 義工工作幫到手！ （三）香港義工配對平台推介 點解唔鐘意返工 但係鐘意做義工？ 唔少「打工仔」做義工都係想搵到滿足感。平日工作反覆、沉悶。每日返工都好似部機器咁，久而久之就感覺做嘅事好似冇咩意義。所以閒時做義工就成為工作以外嘅新衝擊。 加上唔少招募義工嘅機構都係非牟利形式營運，資金有限下，義工每次嘅出力，都好幫到佢哋。完成服務後，義工更加感受到自己嘅付出係有意義，從中獲得樂趣同滿足感。作為一位義工，你可以參與你從未接觸過嘅項目，尋找自己嘅興趣。你嘅生活可以更加豐富多彩，甚或發現自己從未諗過嘅潛能。 【探索義工機會】 為轉行轉工儲經驗 義工工作幫到手獲取義工經驗！ 你有機會喺義工服務期間發握到自己嘅興趣，更可能會諗將興趣變為職業。但係轉換自己嘅職業並非易事，但Swire Trust Go-Givers 計劃嘅得獎者之一Carissa Lau就鼓起勇氣，作出改變。佢從商業管理工作，成功靠義工經驗轉行為電信公司嘅網頁設計師，開始職業生涯嘅新篇章。佢喺COVID-19疫情期間利用更多嘅時間自學UI/UX網頁設計。通過Time Auction嘅義工配對平台，佢搵到機會成為非牟利機構CantoGather嘅網站設計師。佢最終用左超過100小時，成功完成任務，並獲得了CantoGather嘅高度讚賞。Carissa相信，為CantoGather設計網頁的義工經驗為佢轉換生涯賽道提供左好大幫助。 擔任義工工作可以接觸新行業嘅資訊，更可借「實戰」獲取相關工作經驗同技能。轉行搵工嘅時候，如果CV上嘅工作經驗同新工作嘅範疇好唔同，HR難免對你冇信心，驚你經驗唔夠。但如果將義工工作嘅相關實戰經驗寫上去，請你嘅機會就直線上升！ 【探索義工機會】 香港義工配對平台推介 義工工作可以增值自己，學多樣技能，儲多啲經驗，更好咁應對未來嘅挑戰。同時又可以更了解自己嘅興趣同能力。如果你正考慮轉換自己嘅職業生涯，做義工可以為你提供一個好機會，畀你接觸到各種唔同嘅行業，搵到自己真正想要做嘅工作。如果你正想搵義工機會，可以試用香港義工配對平台Time Auction！ Time Auction喺2014年，致力推動義工文化。至今已為本地超過700+ NGO招募同配對技能義工，每個禮拜都有近100個義工服務等緊幫手！你可以喺平台上就自己關心嘅議題（例如：動物福利、環境保護、教育）同擅長嘅技能（例如：攝影、設計、活動策劃）篩選出合適嘅義工服務。超過70%嘅義工職位都可以遙距工作，冇固定地點同時間。即係話你每星期只需要抽幾個鐘，安坐家中歎住冷氣就可以做義工。所有嘅義工服務更可以獲得義工時數，兌換獎賞體驗！ 無論你係讀書定番工，喺Time Auction都可以搵到最啱自己嘅義工服務。 做義工可以幫人又可以換獎賞，即Click以下連結開始啦！ 【探索Time Auction義工機會】
到七、八月份，相信唔少學生已經著手搵工。無論你係搵暑期實習定全職，一份強大嘅CV都非常重要。 對於啱啱畢業或者尚未畢業嘅學生們，一般工作經驗唔多，CV上除左學歷就真係唔知寫咩好。但係唔少學生或多或少都有義工服務經驗，你可能都會好奇義工經驗應唔應該放落CV？ 答案肯定係’YES’。係僱主角度，求職者有義工經驗會加唔少分。因為你嘅義工經驗可以展示你良好嘅協作、管理及解決問題能力、甚或表現出你獨有嘅技能。究竟點樣將自己嘅義工經歷寫上CV先吸引到僱主呢？ 目錄 （一）點喺CV上寫上義工經驗 （二）展示你嘅「硬技能」(Hard skills) （三）展示你嘅「軟技能」(Soft skills) （四）香港義工配對平台推介 點喺CV上寫上義工經驗 當你喺CV寫上義工經驗嘅時候，要突出你透過義工工作所得到嘅技能同體會。首先，列出你服務嘅組織名稱同義工職位。之後，描述你喺義工工作期間完成嘅具體任務，以及你使用嘅技能。另外，可以將你嘅義工工作加入LinkedIn個人檔案或者作品集，以便僱主了解更多有關你嘅經驗。如果你過往嘅義工經驗同即將申請嘅工作職位相關，就一定要喺你嘅CV重點提及該經驗。 【探索義工機會】 展示你嘅「硬技能」(Hard skills) 寫CV嘅時候，強調你喺義工工作中獲得嘅「硬技能」非常重要。例如圖像設計、攝影、項目管理、活動策劃、籌款等。為咗令你嘅CV更加突出，提供具體嘅例子，解釋你點喺義工工作中應用呢啲技能。例如，你曾經參與慈善活動嘅策劃，可以提到活動嘅細節、籌集嘅資金金額或參與人數等。呢啲資訊都可以全面咁展示你嘅技能同埋經驗，喺僱主心目中留下深刻嘅印象。 【探索義工機會】 展示你嘅「軟技能」(Soft skills) 「軟技能」對團隊成功都同樣重要。你每次嘅義工工作都會投入到陌生嘅環境，同新嘅團隊成員協調，充分利用有限嘅資源，並喺具有挑戰性嘅情況下尋找成功嘅機會。唔少義工工作需要管理同領導嘅能力。不妨諗諗你係點樣管理工作。例如：你作為義工小組嘅組長，帶領咗一組義工。又或者團隊遇到難題時，你提供解決方案。甚或你曾經制定工作時間表並依時完成難度高嘅任務。管理同領導能力等嘅「軟技能」可能較難量化，但你可以透過義工工作期間嘅例子證明你擁有呢啲「軟技能」，記得喺CV上包含呢啲細節！ 【探索義工機會】 香港義工配對平台推介 義工工作可以帶嚟好多好處，無論係個人定係專業方面。當你將呢啲經驗放喺你嘅CV上，就展示你對社會責任嘅承擔、突顯你嘅技能同專業知識、同埋吸引潛在僱主。所以，記得將義工經驗寫喺你嘅CV度。如果你正想搵義工機會，可以試用香港義工配對平台Time Auction！ Time Auction喺2014年成立，致力推動義工文化，至今已為本地超過700+ NGO招募同配對技能義工，而每個禮拜都有近100個義工服務等緊你去報名幫手！所有嘅義工服務都可以獲得義工時數，兌換獎賞體驗！ 無論你係讀書定番工，喺Time Auction都可以搵到最啱自己嘅義工服務。 做義工可以幫人又可以換獎賞，即Click以下連結開始啦！ 【探索Time Auction義工機會】
咁多個香港義工配對平台之中，你有冇聽過Time Auction 呢？以下係關於Time Auction 嘅常見問題，俾你可以一分鐘內了解Time Auction 係咩嚟： （一）Time Auction係咩嚟？ Time Auction 係一個香港義工配對平台，中文譯名係「時間拍賣」，顧名思義，義工喺平台上面參加義工活動後，可以用自己嘅義工時數（Volunteer hour）兌換獎勵。 （二）Time Auction同一般義工配對平台有咩分別？ Time Auction 平台上面嘅義工服務以技能義工（Skilled-volunteers）服務為主。技能義工會運用個人技能同專長，為非牟利組織（NGO）提供專業嘅義工服務。呢類義工服務好多都可以遠程（Remote working）完成，義工可以靈活安排自己嘅工作時間同工作地點，換取義工時數。 （三）賺義工時數有啲咩好處？ 喺Time Auction上面，累積一定義工時數後可以兌換不同種類嘅獎賞。義工可以選擇同社會各界嘅專業人士會面或飯聚，交流工作經驗同人生價值，從佢地身上學習成功嘅秘訣；Time Auction亦會定期更新唔同嘅文化或健康相關嘅體驗活動，義工可以參加自己感興趣嘅活動，增值自己。 以往Time Auction曾邀請前財政司司長曾俊華、歌手鄭秀文等社會名人出席義工聚餐；亦曾經舉辦過抽獎，俾義工用義工時數抽韓國人氣女團Blackpink嘅演唱會飛，獎賞種類非常多元。 【探索獎賞】 （四）點解會成立Time Auction？ Time Auction 喺2014年成立，2017年註冊成為慈善機構。創辦人發現香港人做義工嘅比例低於其他國際城市，於是萌生用義工時數換獎賞嘅諗法，希望鼓勵更多香港市民用空餘時間做義工，令NGO得到自己需要嘅技能支援嘅同時，義工又可以兌換自己想要嘅活動獎勵，達致雙嬴局面。 （五）Time Auction上面有咩義工活動？ Time Auction 上面70%嘅義工專案係線上或遙距可以完成。義工種類涵蓋辦公室技能支援（如平面設計、文案寫作）、現場活動技能支援（如活動攝影、活動協調員）、專業建議和諮詢（如商業諮詢、法律意見諮詢）等。 （六）點樣搵義工服務？ 喺Time Auction平台上，義工可以選擇服務範疇、擅長技能、服務所需時數等篩選條件，搜尋到最符合專長嘅義工服務。 如果唔想自己搜尋咁麻煩，Time Auction 定期有電郵（Email）通知義工最新嘅義工招募項目，義工可以根據分類一次過瀏覽同自己專業技能（Professions）相關嘅項目。義工亦可以瀏覽Time Auction 嘅Instagram同LinkedIn帳戶了解每星期精選嘅義工招募項目。 【探索義工機會】 （七）點樣註冊成為Time Auction 義工？ Time Auction嘅義工註冊步驟非常簡單，新用戶只要喺Time Auction 網頁用Facebook、LinkedIn或電郵地址就可以註冊，註冊後即時可以喺每星期100+項義工服務中搵最啱你心水嘅服務去申請！ 【立即申請】
近年ESG（Environmental, Social, and Governance，中文名為「環境、社會及管治」）日漸受社會關注，各大集團主動擔起企業社會責任（Corporate Social Responsibility），推出唔同慈善公益計劃支援社區發展，期望將企業收益回饋大眾，創造可持續發展嘅社會（Sustainable society）。 其實除咗推出慈善公益計劃之外，安排企業員工參與企業義工計劃（Corporate Volunteering）都係種回饋社會嘅方法。以下係參與企業義工計劃嘅好處，同實行企業義工計劃嘅方法。 預約了解更多 （1）企業義工計劃的好處 企業義工計劃的好處（一）打造良好的企業形象 近年社會嘅可持續發展（SDG）意識提高，客戶會關注企業有冇履行企業社會責任（CSR），企業社區參與（Corporate Community Involvement）程度，潛在合作夥伴同投資者更會去睇企業關心嘅社會議題（例如減碳行動、支援弱勢社群）同自己嘅關注點是否吻合，從而判斷合作或投資嘅可能性。有社區參與實績嘅企業，既可以提高品牌形象（Brand image）同聲譽，又可以增加曝光率（Brand exposure），提升品牌知名度。 企業義工計劃的好處（二）增強員工凝聚力 企業可以選擇同自己理念相乎嘅義工服務計劃，強調企業嘅價值觀和社會責任，俾員工更加了解企業嘅使命同目標，展示企業嘅人本精神，建立共享價值（Shared value），進而提高員工對企業嘅認同，增加士氣同凝聚力。 企業義工計劃的好處（三）分享資源予初創非牟利組織 非牟利組織（NGO）由於資金唔充裕，好多時要面對資源同人手不足嘅困難。若果企業員工可以運用自己嘅專業知識同技能，為NGO提供技能培訓或專業服務，可以令更多NGO或社企（Social enterprises）度過初創難關，令佢地嘅社會計劃可以惠及更多人。 （2）實行企業義工計劃的方法 實行企業義工計劃的方法（一）參與團體義工服務 企業員工人數眾多，為方便統一管理義工時數，企業可以選擇成立義工隊，帶領所有成員參與團體義工服務（Group volunteering），例如淨灘（Beach cleanup）、長者家居探訪（Elderly home visit）、慈善義賣（Charity sale）、賣旗（Flag-selling）、慈善嘉年華（Charity carnival）等，呢啲活動容許多人同時參與，係企業Team-building（團隊建設）可以選擇嘅活動，仲可以鼓勵員工帶埋家人齊齊做善事添！ 實行企業義工計劃的方法（二）參與義工平台的企業義工計劃 團體義工服務可以統一管理義工時數，但未必每個員工都可以抽到時間參與個別日子同時間的活動，而且好難確保所有員工都對嗰項活動有興趣。 呢種情況下，企業可以鼓勵員工登記成為義工平台的義工，定期瀏覽同自己技能相關嘅技能義工服務（Skilled-volunteers），例如為非牟利組織構思宣傳策略（Marketing strategy)，或者指導佢地申請資助（Funding），又例如幫手做翻譯（Translation）同行政支援（Administrative support）等，呢類技能義工服務可以在家完成，而且好多都屬於個人專案，企業員工可以挑選自己得閒嘅時間去做，自由度更大！但缺點就係好難督促員工係咪做緊義工，所以企業要推行呢類義工計劃，就要配合其他措施實行： （3）如何鼓勵員工積極參與義工服務 （一）增加誘因 企業可以用額外花紅（Bonus）或者額外假期VTO (Volunteer Time Off）獎勵參與義工計劃嘅員工，或者設立義工獎獎勵今年義工時數最多嘅員工，服務他人嘅同時員工亦有好處，可以吸引到更多員工主動加入企業義工計劃。 （二）增加條件 好嘅政策講究軟硬兼施，除咗用誘因吸引更多員工主動加入企業義工計劃外，企業亦可以設立每月義工時數KPI，呢項KPI可以分為個人同部門，令員工喺參與個人義工專案嘅同時，亦會帶領同事一齊參與。 （三）更方便尋找義工服務 怕員工有心做義工，但搵唔到有興趣嘅項目？企業可以主動提供義工資訊俾員工，或者將呢項重任交俾義工平台。例如香港義工配對平台Time Auction就推出咗企業義工計劃 （Corporate Volunteering Opportunities），員工只要做簡單登記程序就可以開義工帳戶，每個禮拜瀏覽近100個義工服務，一次過滿足不同員工技能和興趣；另一方面，企業亦可以一站式查看總義工人數同時數，更方便收集數據撰寫ESG報告（ESG Report）。 如欲了解企業義工計劃合作詳情，即刻嚟了解更多啦: 預約了解更多
想為社區發展出一分力，但又覺得傳統義工服務例如淨灘（Beach cleanup）、長者探訪（Elderly Visit）、賣旗（Flag-selling）要投入太多時間？其實2023年嘅義務工作方式已經比以前更加多元，技能義工（Skilled-volunteers）就係其中之一！技能義工會運用個人技能同專長，為NGO（非牟利組織）提供專業嘅義工服務。 傳統義工服務成日強調「助人為快樂之本」，但技能義工喺服務中得到嘅點止快樂咁簡單？以下係做技能義工嘅5大好處，同技能義工嘅服務種類介紹： 目錄 1）做技能義工的5大好處 （一）靈活安排自己時間 （二）義工服務形式多樣 （三）提供技能實戰機會 （四）拓展人際網絡 （五）發掘個人興趣 2）技能義工的4大種類 （一）辦公室技能支援 （二）現場活動技能支援 （三）專業建議和諮詢 （四）培訓導師 3）香港義工配對平台推介 1）做技能義工的5大好處 做技能義工的好處：（一）靈活安排自己時間 香港人生活繁忙，未必每個人都可以抽時間出嚟參與實體服務。而技能義工好多時都唔需要去NGO嘅實體辦公室，義工可以靈活安排自己嘅工作時間同工作地點，喺服務時間內遠程（Remote working）完成義工服務，每個月抽幾個自己得閒的時間就可以做義工，自由度更大！ 做技能義工的好處：（二）義工服務形式多樣 技能義工工種多元，可以根據自己嘅專長選擇自己可以勝任嘅義工機會；亦都可以從NGO嘅關注議題入手，選擇自己感興趣嘅服務項目；甚或乎可以根據自己慣用嘅工作模式，去選擇參與個人專案（Individual project）或者團隊專案（Team project），營造最舒適嘅義務工作氛圍！ 做技能義工的好處：（三）提供技能實戰機會 技能義工係證明個人能力嘅好機會，Swire Trust Go Giver 2022得獎者 Carissa 就係例子之一！Carissa商業出身，疫情期間想轉行做UX/UI網頁設計，自學成材但苦無實戰經驗。於是Carissa透過義工配對平台搵到網頁設計義工服務，最後成功以義工經驗轉行成為UX/UI正職設計師。想轉行或者係未有工作經驗嘅大學畢業生（University graduates）可以喺履歷表（Resume）入面寫低服務紀錄，證明自己有工作經驗，增加面試機會，提升求職競爭優勢！ 做技能義工的好處：（四）拓展人際網絡 技能義工嘅工作或者參與嘅會議中，有機會同其他義工、NGOs、顧問、贊助商共事，認識來自商界、社福界、法律界等不同背景同工作領域嘅人，拓展人際網絡（Interpersonal network）之餘，更可以透過交流經驗增廣見聞，裝備自己嘅職場競爭優勢！ 做技能義工的好處：（五）發掘個人興趣 技能義工服務種類非常多，涵蓋平面設計（Graphic Design）、翻譯（Translation）、活動策劃（Event Planning）、商業諮詢（Consultation）等各範疇。如果你「周身刀張張利」，但又知自己最適合嘅工種係咩，不妨透過技能義工機會發掘個人興趣。 心大心細做唔做義工？一於嚟睇下技能義工服務嘅4大種類啦！ 2）技能義工的4大種類 技能義工種類（一）：辦公室技能支援 遠程協助NGO日常運作，例如行政支援（Administrative support）、平面設計（Graphic design）、數碼營銷（Digital marketing）、翻譯（Translation）、文案寫作（Copywriting）、項目管理（Project management）、網頁設計（Website Design）。 【探索義工機會】 技能義工種類（二）：現場活動技能支援 協助NGO舉行活動，例如記者會、開幕禮、講座同聚會，需要嘅技能包括活動策劃（Event planner）、活動司儀（Event MC）、活動協調員（Event […]
自上世紀後期開始，香港社會逐步邁向性別平等 (Gender equality)，透過《性別歧視條例》、《殘疾歧視條例》、《家庭崗位歧視條例》同《種族歧視條例》嘅法例落實，保障所有人免受基於性別、懷孕、婚姻狀況、殘疾、家庭崗位同種族歧視，而女性喺法律、社會、經濟等嘅地位亦有所提升。 不過，社會上仍然存有性騷擾、性別歧視等問題，而性小眾 (包括LGBTQIA+) 權益亦係近年嘅社會議題，需要社會各界共同努力同提高關注，推動性別多元文化。以下為大家推介一啲喺香港關注性別平等嘅非牟利機構 (NGO)，俾你了解一下佢哋嘅服務同理念： 性別空間 Gender Empowerment 性別空間係一個支援跨性別 (Transgender) 社群嘅慈善自助組織，透過邀請專業人士就各種關於性嘅專題進行分享，並提供心理輔導，以幫助跨性別人士融入社會及解決性別上嘅疑難或困擾。 青躍 Teen's Key Hong Kong 青躍是一個完全由年輕女性領導、幫助弱勢青少女嘅非牟利團體，關注年輕女性嘅性與生育健康，致力協助弱勢年青女性學習新技能、實踐理想同活得自信自在。 Resolve Foundation Resolve Foundation 致力培育來自邊緣社群嘅社區領袖，透過社會公義育才計劃同工作坊，改變了有關社群人士嘅生命路向，為香港社會帶來正面改變。 婦女基金會 The Women's Foundation 婦女基金會致力改善香港婦女同女童生活，透過舉辦多個社區項目改變社會對性別嘅刻板印象、提升女性喺決策過程中嘅影響力，使女性能夠達到經濟獨立自足、成為未來嘅成功領袖。 關注婦女性暴力協會 The Association Concerning Sexual Violence Against Women 關注婦女性暴力協會由一群關心婦女權益嘅人士所組成，希望透過危機支援、法律諮詢服務和教育活動等，促使政府及公眾人士正視婦女遭受性暴力的問題，讓受害婦女重過有自信同自尊嘅生活。 以上幾間針對性別平等嘅機構都不時需要技能義工 (Skilled volunteer) 支持運作，如果你都想出一分力，可以考慮以下各類型嘅義工服務，或者直接按【立即申請】睇下最新嘅技能義工服務機會！ 義工服務（一）：電話熱線義工（Hotline Volunteer） 電話熱線義工主要提供情緒支援同相關嘅資訊協助，聆聽致電人士（如面對家暴、性暴力和歧視等問題）嘅困難同需要，並提供例如危機處理技巧等實質協助。義工將會需要先接受基礎同深入嘅培訓，以幫助有需要人士度過難關。 【立即申請】 義工服務（二）：榜樣義工（Role Model Volunteer） 一個好榜樣對個人成長非常重要！佢哋嘅經驗同心得分享可以啟發其他人。榜樣義工其實比較類似坊間嘅師友計劃，主要係透過互動交流，鼓勵參加者建立自信心同正面嘅態度面對生活上唔同問題、逆境，同時發掘自己嘅潛能，實現夢想。如果你都想支持下一代出一分力，尤其打破社會對唔同性別嘅枷鎖、標籤，幫佢地建立自信，就快D報名啦～ 【立即申請】 義工服務（三）：創業分享講者 （Entrepreneurial Guest Speaker） […]
由細到大屋企人都教我哋「食得唔好嘥」，不過有時候都少不免會浪費食物，尤其是餐廳同超級市場等等。其實如果將呢啲剩餘食物妥善分配同處理，可以幫到好多有需要嘅人。有無打算做技能義工 (Skilled-volunteers)，利用自己嘅專長同興趣回饋社會？以下為大家介紹一下喺香港與「食物回收」有關嘅非牟利機構 (NGO)，從而對佢地有更多認識之餘，仲可以了解多啲佢哋嘅服務同理念： 樂餉社 Feeding Hong Kong 樂餉社將食物從豐富的地方帶到有需要的地方，幫助有需要嘅人。 惜食堂 Food Angel 惜食堂係以「不浪費，不飢餓，有愛」為使命，拯救可食用嘅剩餘食物，並準備成營養豐富嘅熱餐，重新分配比香港嘅弱勢群體。 聖雅各福群會 St. James' Settlement FOOD-CO FOOD-CO嘅目標係通過技術和數據分析嘅進步，以更有效嘅方式促進食物捐贈，與志同道合嘅伙伴為扶貧徵集資源，培養節約同分享嘅文化，旨在減少食物浪費，創造更美好嘅生活環境。 膳心連基金 Breadline x Foodlink Foundation Breadline 係香港首創嘅食物救援公共數碼平台，主要合作夥伴為非政府組織和麵包店連鎖店合作，自 2 年前開始以黎，已經回收超過 100,000 個麵包，為生活貧困嘅人提供營養餐。 GREEN Hospitality GREEN Hospitality 係一個將酒店業、學術界、非營利部門、初創企業同政府聚集嘅平台，通過創新、協作同研究分享知識、建立聯盟同尋找解決方案。 認識左香港幾間同食物回收相關嘅機構後，如果想幫手又應該點揀到啱自己專長嘅義工服務？完全唔駛擔心！除左傳統嘅海灘清潔、賣旗、探訪外，宜家嘅義工服務已經比以前更多元化！想支持食物回收嘅你，即刻睇下有咩新穎有趣嘅服務可以出一分力： 義工服務（一）：麵包回收員（Bread Runner） 每日香港都會有3,250噸食物浪費，被棄置到堆填區。當中尤其是麵包連鎖店，都會有唔少嘅賣剩麵包。如果可以出分力，幫手收集方便機構再分配，已經可以減小食物浪費！義工只需要去到最方便你嘅區域，向Bread Runner計劃合作嘅麵包店收集賣剩嘅麵包，一晚2小時就可以完成！而且呢個義工項目可以一次性或間中支持，更容易係時間上作出安排！ 【立即申請】 義工服務（二）：攝影師（Photographer） 有無諗過識影相嘅你，都可以為食物回收出分力？例如香港有相關嘅NGO就有食物處理中心，作為回收可食用嘅剩餘食物，並準備成營養豐富嘅熱餐，重新分配比香港嘅弱勢群體。為咗俾更加多人認識回收嘅過程，你嘅攝影技能就可以幫到機構進一步推廣佢地嘅工作同理念，甚至方便機構係日後用係Marketing宣傳上，令更多人可以重視剩餘食物嘅資源分配。鍾意影相嘅朋友，就唔好錯過啦！ 【立即申請】 義工服務（三）：傳單設計師（Leaflet Designer） 本身做開Marketing（市場營銷）同Graphic Design（平面設計）嘅朋友，有冇諗過幫手設計宣傳物資都係義工嘅一種？例如係幫機構簡單設計並構思平價嘅食譜，向大眾宣傳節約同分享嘅文化精神。可以利用自己設計（Design）嘅專長去推廣有意義嘅食物文化，快D click入去睇下相關嘅project幫手啦！ 【立即申請】 香港義工配對平台推介 想知更多義工服務選擇同詳情，不妨瀏覽Time Auction技能義工服務配對平台 (Skilled-Volunteer Matching Program)！Time […]
殘疾人士每日都面對唔少困難同挑戰，需要各種支援去實現佢哋嘅生活目標同夢想。除咗家居照顧、就業培訓等嘅長期直接支援，你亦可以考慮做技能義工 (skilled-volunteers) ，利用自己嘅專長同興趣回饋社會，幫助殘疾人士爭取權益同提高大眾對佢哋嘅了解，促進社會共融。 以下係一啲為殘疾人士服務 (Disability) 嘅非牟利機構 (NGO)，俾你了解一下佢哋嘅服務同理念： 路向四肢傷殘人士協會 Direction Association for the Handicapped 路向四肢傷殘人士協會由一班四肢傷殘人士組成，致力支援會員離院後重投社區生活，協助佢哋積極面對人生。佢哋嘅服務包括個案探訪、復康資源、公眾教育同政策倡議。 香港復康會 The Hong Kong Society for Rehabilitation 香港復康會主要為有需要人士提供復康治療、健康管理、無障礙交通、職業培訓等服務，令殘疾人士及長期病患者可以重投社會，活得尊嚴豐盛。 思拔中心 The Nesbitt Centre 思拔中心提供以英語為本的教育課程，俾學習障礙的非廣東話成年人士接受技能及工作訓練，從而融合社會。中心亦附設短期宿舍設施，協助學員達到獨立、發展自我和接觸社區嘅機會。 黑暗中對話 Dialogue In The Dark 黑暗中對話（香港）基金會透過結合娛樂及教育元素嘅體驗，以及與唔同界別合作創辦社區共融及慈善項目，推動香港嘅多元共融文化。 Let's Talk ADHD Let’s Talk ADHD是由專業及熱心人士所成立的社交網絡平台，致力提高公眾對專注力失調及過度活躍症 (ADHD) 嘅了解和注意，支援ADHD患者同家庭，啟發佢哋嘅個人潛能，並盡展所能，締造融和平等嘅機會。 以上幾間支援殘疾人士嘅機構都不時需要技能義工支持運作，如果你都想出一分力，可以考慮以下嘅義工服務： 義工服務（一）：活動護航員（Event Escorts/Support） 有啲機構不時舉辦公眾參與嘅大型活動，例如「無障行者」，以助提升公眾對殘疾人士嘅認識，了解同體驗佢哋喺社區生活所遇到嘅困難同挑戰。 由於活動會模擬殘疾人士身體不便嘅狀況，大會需要招募各類義工，包括護航員，確保活動順利舉行，同埋喺活動後進行經驗分享。做義工嘅同時又可以參與其中，非常有意義！ 【立即申請】 義工服務（二）：運動義工（Sports Volunteer） 視障人士想做運動並唔容易，因為佢哋會因自身視力狀況而遇到不便，甚至危險，所以需要義工陪同協助。有啲NGO會安排視障人士同健全人士外出運動，增強視障人士嘅身心健康，從而實踐運動共融。 如果你都鐘意相約朋友一齊做運動，可以考慮有關嘅義工活動，與視障人士一齊享受做運動嘅樂趣！ 【立即申請】 義工服務（三）：特殊教育顧問 (Special Needs […]
