【想支持青年發展？】Time Auction搵到符合你專長嘅義工服務
青少年係社會嘅未來棟樑，除咗學習之外，唔少非牟利機構（NGO）都透過各式各樣嘅計劃同活動，為青年人創造與社區連結嘅機會，而無論你係學生定係打工仔，都可以成為技能義工（Skilled-volunteers）提供義工服務，利用自己嘅專長同興趣支持青年發展（Youth Development）。以下係本港一啲與青年發展相關嘅NGO，俾你了解一下佢哋嘅服務同理念：
Books & Beyond Reading Club 推行趣味英語教育，為基層學生提供免費嘅創新嘅英語學習計劃，培養學生嘅英文閱讀同寫作興趣，並發展小朋友嘅社交情感技能，提升佢哋嘅自信心同自我認同感。
青年成就香港部 Junior Achievement Hong Kong
青年成就香港部為香港學生提供「其他學習經歷」（OLE）嘅課程，致力啟發年青人為未來就業同創業做好準備。
童協基金會透過塑造嶄新嘅學習方式，激勵年輕人合作，並與社區連結，致力培養小孩及年輕人成為創變者。
維樂天與唔同嘅夥伴、社區同專家合作，為有需要的兒童及青年提供機會，給予支援，並協助建立活躍社群，以助他們盡展潛能。
粵講粵叻希望透過教導非華裔嘅小朋友廣東話同中文，令佢地可以更易融入社區，提升佢地喺社會向上流嘅機會，並且推動香港人同少數族裔之間嘅文化交流，促進香港嘅種族共融。
呢類型關注青年發展嘅機構都不時需要技能義工支持運作，如果你都想出一分力，可以考慮以下嘅義工服務：
義工服務（一）：興趣班導師 / 助理（Interest Class Facilitator）
非牟利組織通常缺乏資源同人手，所以需要義工嘅支持去舉辦各類型嘅活動去幫助佢地嘅受眾，例如課後興趣班。義工可以根據自己嘅興趣或長處（如音樂、藝術、手工藝、體育、棋類遊戲等）去訂立興趣班嘅主題，並與其他職員或義工商討課堂細節，然後喺活動當日教授學生同管理課堂。
呢類技能義工機會唔單止鼓勵學生嘗試新事物，發掘佢哋嘅潛能；義工亦可以將自己嘅專長同興趣分享俾學生，俾佢哋喺放學後放鬆一下，減低學習壓力。
義工服務（二）：友師（Mentor）
友師計劃係一種相對長期嘅義工服務，義工會以哥哥、姐姐嘅角色，喺計劃期內定期與參加者（如中小學生）保持聯絡同見面（約一個月1-2次左右就可），為佢哋送上關懷同了解佢哋嘅近況，並分享自己嘅經驗同心得，以生命影響生命，協助參青少年建立清晰同正面嘅人生觀。如果你鐘意同小朋友或年青人相處，可以加入成為友師義工，陪伴佢哋成長。
義工服務（三）：活動大使（Project Ambassador）
非牟利團體有時會透過體驗式學習（Experiential learning）活動去鼓勵學生正面嘅學習態度，有關活動需要義工去擔任活動大使嘅角色，喺活動期間照顧學生，並觀察同記錄佢哋參與活動嘅情況同各自嘅性格優勢，對培育小朋友成長同發掘潛能非常有幫助。機構會事先提供培訓，教授義工相關技巧。如果你對教育或社會工作（社工 / Social Worker） 職業有興趣，不妨報名參與！
香港義工配對平台推介
想知更多義工服務選擇同詳情，不妨瀏覽Time Auction技能義工服務配對平台（Skilled-Volunteer Matching Program）！Time Auction喺2014年成立，致力推動義工文化，至今已為本地超過640+ 非牟利機構（NGOs）進行技能義工招募同配對，而每個禮拜都近100個新義工服務等緊你去報名幫手！
係Time Auction平台上，你可以從服務範疇、擅長技能、服務所需時數等一站式篩選、搜尋到最啱你、符合你專長嘅義工服務；兼且可以記錄服務時數，換取各種千載難逢嘅獎賞體驗！
做義工幫人出分力，又可以用鐘換獎賞，即Click以下連結開始啦！
