【想支持藝術與文化？】Time Auction搵到符合你專長嘅義工服務
平時放假有咩做？香港人生活節奏急速，有時候都需要各種消閒活動調劑身心。藝術同文化活動就可以陶冶性情，暫時放開煩惱，豐富我哋嘅生活。你有冇諗過喺欣賞藝術或創作嘅同時又可以做義工呢？
近年香港興起各式各樣嘅義工服務，包括技能義工（Skilled-volunteers），大家可以利用自己嘅專長同興趣回饋社會，當中不乏「藝術與文化」類型嘅義工機會。
以下就係本港一啲從事藝術與文化（Arts & Culture）嘅非牟利機構（NGO），你可以了解一下佢哋嘅服務同理念，參與其中：
亞洲協會香港中心 Asia Society Hong Kong Center
亞洲協會係一所非牟利、非政府嘅團際教育組織，提供多元化嘅活動俾大眾參與，當中包括演講、表演、電影播放同展覽等。
Arts for Good Foundation 係一間以價值為本嘅教育社企，旨在透過藝術與文化活動，促進下一代嘅社會融合 (social inclusion)。
陸續出版致力提供一個讓青年或半職創作人透過實戰去展示技能嘅創意平台，服務包括平面設計、書籍出版、創意數碼科技、原創音樂創作及主題微電影等，希望為本地創意產業注入新血，推動業界蓬勃發展。
飄雅活藝係一間本地慈善機構，致力於振興、重新詮釋同延續傳統工藝。機構會舉辦展覽、工作坊及工藝師駐留計劃，讓大眾認識屬於我哋嘅文化遺產和增強集體身分認同。
香港管弦樂團 Hong Kong Philharmonic Society
香港管弦樂團獲譽為亞洲最頂尖嘅古典管弦樂團之一。喺為期44週嘅樂季中，樂團共演出超過150場音樂會，將音樂帶俾超過20萬名觀眾。
以上幾間同藝術與文化相關嘅機構都不時招募技能義工支持運作，如果你喜愛藝術同文化活動，又想為呢啲機構出一分力，可以考慮以下嘅義工服務：
義工服務（一）：詩詞作家（Poem Writer）
唔少展覽會將藝術品結合場地佈置、故事同詩詞，讓參加者更易感受其中，激發佢哋嘅無限想像，同時可以提升生活品味，甚至表達同分析能力。
鐘意寫作、熱愛文字創作嘅你，不妨發揮你嘅長處，推廣詩詞同藝術普及！
義工服務（二）：樂器/歌唱導師（Music / Vocal Coach）
香港唔少小朋友都琴棋書畫樣樣皆精，因為學習藝術有助腦部神經同心理發展。不過，並唔係每個家庭都負擔得到買樂器同上課外活動嘅費用。為咗俾低收入家庭嘅小朋友都有學習音樂嘅機會，有幾個熱心嘅非牟利機構 （NGO）都為基層小朋友提供免費同長期嘅音樂訓練，藉此培養佢哋對音樂嘅興趣、發掘潛能和建立自信。
如果你對音樂充滿熱誠，並已經考獲 ABRSM / TRINITY / LCME 五級或以上嘅程度，又鐘意同小朋友相處，可以加入呢啲機構做技能義工，協助學童由零開始學習樂器或唱歌，陪伴佢哋成長。
義工服務（三）：展覽導賞員（Docent / Art Tour Host）
參觀展覽可以增廣見聞，同時培育個人文化修養、開拓視野，寓學習於消閒。設有導賞環節的展覽能提供更多關於藝術家背景、創作理念、工序等資訊，令參加者更深入了解一件展品的由來，以新的眼光欣賞展覽。
擅於交際嘅你，如果都想貢獻社區，可以參加展覽導賞員類型嘅技能義工，既可以推廣文化藝術，令參加者有所得著，又可以訓練自己兩文三語嘅溝通技巧，一舉多得！
香港義工配對平台推介
想知更多義工服務選擇同詳情，不妨瀏覽Time Auction技能義工服務配對平台 (Skilled-Volunteer Matching Program)！Time Auction喺2014年成立，致力推動義工文化，至今已為本地超過620+ 非牟利機構（NGOs）招募同配對技能義工，而每個禮拜都有近100個義工服務等緊你去報名幫手！
係Time Auction平台上，你可以從服務範疇、擅長技能、服務所需時數等一站式篩選、搜尋到最啱你、符合你專長嘅義工服務；兼且可以記錄服務時數，換取各種千載難逢嘅獎賞體驗！
做義工幫人出分力，又可以用鐘換獎賞，即Click以下連結開始啦！
