【MBTI人格測試】ESFP 表演者分析 - ESFP名人代表、ESFP外向嘅社交表現？
ESFP（表演者）係一種具有外向、觀察、感覺同探索特質嘅人格類型。佢哋鍾意充滿活力嘅體驗，熱衷於參與生活，同埋以探索未知世界為樂。佢哋嘅社交能力好強，經常鼓勵其他人參與共同嘅活動。
如果有人會不由自主咁載歌載舞，咁一定係 ESFP 人格類型（表演者）嘅人。佢哋樂於沉浸喺激動人心嘅時刻，希望其他人都可以有呢種感覺。喺鼓勵其他人方面，冇其他類型嘅人可以同佢哋一樣慷慨咁付出時間同精力、亦都冇其他類型嘅人可以好似佢哋咁鼓勵其他人。
佢哋係MBTI人格測試 被稱為「表演者」，而冇乜嘢可以令到 ESFP 唔開心，除非佢哋被環境束縛，又或者融入唔到朋友嘅圈子入面。
ESFP 嘅人格有幾罕見？根據Ball State University數據顯示，ESFP 屬於比較常見嘅性格類型之一，佔咗大約 8.5% 嘅美國人口，當中有40%是男性、有60%是女性。
文章目錄
ESFP熱愛生活
ESFP 嘅人鍾意喺人前表演，通常佢哋喺鎂光燈下都好自在。但係，呢種自信唔係因為佢哋鍾意做眾人焦點，而係因為佢哋擅長感知喺啲咩情況下咩係適合嘅。佢哋有一種特別嘅能力，可以仿效周圍人嘅行為。
ESFP 嘅人真係好享受簡單嘅嘢，對佢哋嚟講，最開心嘅事就係同一大班好朋友一齊去玩。呢種性格嘅人差唔多成日同朋友一齊，而唔係自己一個。佢哋有獨特又樸實嘅機智，鍾意吸引其他人嘅注意力，令到每次聚會都好似一個派對咁。
喺所有性格類型之中ESFP通常都有最強嘅審美意識。無論係打扮、衣著定係屋企嘅佈置，佢哋對時尚有一種獨特嘅眼光。佢哋一睇到某樣產品就知道點樣配搭，從來唔會因為周邊環境而限制自己嘅個人風格。呢種性格嘅人天生就好奇，鍾意探索新嘅設計同風格。
佢哋仲擅長觀察，對其他人嘅情緒好敏感。ESFP 通常係第一個幫手解決問題嘅人，佢哋樂意提供情感支援同實際建議。但係，如果問題涉及到佢哋自己，佢哋就更加傾向於完全避免衝突，而唔係正面解決。當佢哋變成批評嘅焦點就會比較抗拒。
ESFP重視歡樂
佢哋面對嘅最大挑戰係，佢哋成日都太注重眼前嘅歡樂，而忽略咗使背後可能嘅義務同責任。對 ESFP 嚟講，要做複雜嘅分析、重複性嘅工作，以及將處理數據都係比較困難嘅事。佢哋更加願意去做主動性嘅工作，或者直接向佢哋嘅朋友圈求助。
ESFP 分辨到事物嘅價值同質量，雖然係屬於好嘅特質。但係如果無良好嘅規劃，往往會令到自己好麻煩，例如好似利用信用卡咁，無良好規劃嘅話就會好容易入不敷支，另外重覆出現嘅信用卡帳單都可能會為佢哋猜嚟麻煩。同規劃長遠目標相比，佢哋更偏好捉住當下機會。
只要有歡樂同打鬧嘅氛圍，ESFP 就會受到歡迎，佢哋最大嘅快樂莫過於帶動大家一齊玩。佢哋隨便傾偈都可以傾幾個鐘，總之就係上至天文下至地理咩都可以傾。
ESFP嘅社交表現
ESFP 人格類型嘅人鍾意社交同刺激活動。佢哋對任何嘢都冇太多內在嘅要求，而係以機智、熱情同樂觀嘅態度同自己嘅朋友圈分享一切。佢哋係生活樂趣嘅探索者，尤其鍾意同其他人分享呢啲體驗。對於 ESFP 嚟講，如果唔能夠感受到自己仲活着，咁活住就冇意義。
佢哋係行動派，鍾意參加各種活動嘅同時，不過有時佢哋可能會行得太遠，冒險或者粗心大意。佢哋都好敏感，佢哋唔鍾意成日聽人一直講道理。
外向嘅佢哋結交新朋友對嚟講唔係問題。不過，佢哋同已有嘅朋友保持聯繫方面會出現問題。由於佢哋對現時嘅朋友會有較多嘅關注亦會比較熱情，可能會容易忽略相識得耐嘅朋友。
ESFP名人代表
美國女演員瑪麗蓮·夢露 Marilyn Monroe、韋史密夫 Will Smith、英國女歌手 Adele。
適合ESFP嘅義工服務
佢哋是一種充滿活力、喜愛社交同享受生活嘅性格。呢種人格類嘅人非常適合從事需要同人互動、提供情感支持嘅義工服務。另外，ESFP對於美有獨特嘅見解同定義，如果有設計或者審美相關嘅義工機會，都會適合ESFP。
Time Auction 有提供各種不同類型嘅義工活動去滿足ESFP嘅內在需要，包括：
- 婦女熱線義工：ESFP嘅性格特質善於同人交流，識得引導其他人講出煩惱，同提供情感支援。相信佢哋比較容易向尋求幫助嘅人提供情感支持同諮詢服務。
- 設計長者手工活動：ESFP嘅創造力同對美嘅追求得以發揮。可以同安老院團隊商討手工活動嘅設計內容、教導安老院職員點樣製作手工物品。
仲其他更多適合ESFP性格嘅義工服務，有興趣嘅朋友可以到Time Auction登記進行配對。
