【MBTI人格測試】INTJ建築師分析 - INTJ名人代表、INTJ內向嘅社交表現？
INTJ係代表內向、直覺、思考同執行。佢係MBTI人格測試 面被稱為「建築師」或者「策略家」，擁有INTJ人格嘅人非常擅長分析、創造同邏輯。 MBTI測試全寫為：Myers-Briggs Type Indicator，中文又稱16型人格測驗。由美國作家 Katharine Cook Briggs 同女兒 Isabel Briggs Myers共同研究後提出。
INTJ 建築師有兩種嘅分類: INTJ-A 同 INTJ-T.
INTJ-A: 呢個分類叫做「積極嘅建築師」。INTJ-A通常比INTJ-T有更多嘅自信，尤其係面對生活嘅起跌。而且如果事情唔係佢哋預期嘅樣，一個INTJ-A唔太會質疑自己最初嘅行動或者感到後悔。
INTJ-T: 有呢個分類嘅人叫做「動盪嘅建築師」，佢哋對自己可能嘅不足，無論係實際定係感覺上，都會更加關注。佢哋亦會利用呢種關注去幫助自己，通過更加努力同留意細節。
INTJ嘅人格有幾罕見？根據Ball State University數據顯示，係美國人口內大約只有2.1%嘅人係INTJ嘅。
文章目錄
INTJ 建築師嘅獨立意志
INTJ型嘅人會質疑大部分面對嘅事情，佢哋嘅信念建係基於實質嘅證據、推理同理性。好多個性類型會信任現狀，依賴傳統智慧同其他人嘅專業知識去指導佢哋嘅生活。但係抱住懷疑態度嘅就係INTJ型嘅人。喺佢哋享受尋求更好嘅做法嘅過程入面，佢哋唔怕打破規則或者冒住被反對嘅風險。
INTJ型嘅人會話你知，一個新嘅意念如果唔能夠實際運作，就冇乜價值。所以INTJ型嘅人想要成功，唔單止係要有創意，佢哋仲要將自己嘅洞察力、邏輯同意志力全力投入到工作中。佢哋討厭對於任何用無意義嘅約束或者無意義嘅批評。
INTJ鍾意獨來獨往，大部分時間都鍾意自己一個人，可能係因為佢哋唔鍾意等其他人追上佢哋嘅步伐。呢種性格嘅人通常可以唔問其他人嘅意見就作出決定。有時，其他人睇嚟呢種獨行俠嘅行為會顯得冇同情心，因為佢唔考慮其他人嘅想法、期望同計劃。
INTJ 建築師一直追求進步
INTJ型嘅人可以係最大膽嘅夢想家。佢哋相信，通過意志力同智慧，可以實現任何最具挑戰性嘅目標。佢哋堅信，喺任何情況下揀最易嘅方法實踐，都會阻礙人類進步。但係呢啲性格嘅人可能對人性抱有懷疑，認為大部分人都係懶惰、缺乏想像力或者只係平庸。
INTJ型嘅人好多自尊心都來自於佢哋嘅知識同智慧。喺學校裏面，佢哋可能被人叫做「書呆子」。INTJ嘅人從來唔係為咗炫耀而學新嘢，而真係鍾意擴闊自己嘅知識範圍而尋求進步。
喺佢哋不斷嘅追求知識嘅過程中，討厭任何無聊嘅事或者閒言閒語。不過，佢哋唔係乏味或者無趣。好多時INTJ嘅人喺佢哋嚴肅嘅外表下面會有不一樣嘅風趣幽默感。
INTJ嘅社交表現
佢哋會將理性同成功凌駕一切。換句話講，佢哋寧願做啱嘅人，都唔想做受歡迎嘅人，而且因為呢種性格嘅人重視真相同深度，好多普通嘅社交習慣，例如閒聊，都可能喺佢哋心目中係冇任何意義。所以，佢哋可能唔小心表現得粗魯或者冒犯別人，其實佢哋只係想講實話。
有時候，INTJ嘅人可能會思考同經歷同其他人打交道嘅用處。但係就好似其他任何性格嘅人一樣，INTJ都渴望社交，佢哋只係希望同有共同價值觀同目標嘅人相處。通常，佢哋只要做自己就可以達到呢個目的。當佢哋追求自己嘅興趣時，佢哋嘅真誠可以吸引其他人，無論係工作、社交、甚至係戀愛上。
INTJ名人代表
歌手周杰倫、微軟創辦人比爾蓋茨、Facebook創始人朱克伯格及物理學家霍金。
適合INTJ嘅義工服務
由於INTJ嘅人討厭重覆單一嘅例行公事、討厭辦公室政治、討厭無意義嘅閒聊，惟獨只有不斷進步、探索新想法、向難度挑戰先至可以獲得滿足。INTJ 適合低調而具影響力嘅義工服務，包括工程、研究、項目管理同科學領域。
Time Auction 亦有提供各種不同類型嘅義工活動去滿足INTJ嘅內在需要，包括：
- STEM / 程式設計班導師 - 從小培養小朋友對人工智慧和程式設計的興趣，為香港培養更多技術人才。
- 專案經理 - 積極協調和管理整個組織的專案規劃，支援不同的工作流程。定期更新專案交付進度、風險及相關問題。
- 機械工程顧問 - 為機構提供意見，使機構的團隊可在更舒適的工作環境工作，也為機構志願工作坊的其他參與者提供愉快的體驗。
- 職業講座演講嘉賓 - 演講者的分享可以幫助學生擴展職業規劃的視野，對醫學、工程或媒體領域有更好的了解。
仲其他更多適合INTJ性格嘅義工服務，有興趣嘅朋友可以到Time Auction登記進行配對。
