【2025義工活動】復活節唔去旅行，喺香港有咩好去處？
又到咗復活節呢個長假期！大家可能已經plan好去邊到，不過如果你去旅行怕機票貴，去户外活動又怕人多；咁留喺香港放假可以有咩其他節目，令假期過得充實之餘又可以充滿意義呢？以下為大家介紹香港一啲本地嘅義工活動，唔使出門口坐係梳化已經做到技能義工（Skilled-volunteers），適合動靜皆宜嘅你。你仲可以喺服務之中Upgrade自己嘅能力同經驗，一齊捉緊機會為社會出一分力啦！
復活節義工活動推介：
復活節義工活動（一）：為社會及大自然出力 支援分類捐贈物品
因應最近香港嘅移民潮，傢具棄置問題變得嚴重。其實只要處理得宜，接收同義賣傢具所得嘅錢，可以幫到好多有需要嘅人。
有NGO會不定期都會招募傢具倉務員或捐贈物品支援助理，負責盤點、管理其他人捐贈嘅物品。經驗不限，最重要係你有想為社會出力嘅熱誠。有興趣嘅朋友，即Click入去睇睇佢哋嘅義工項目！
復活節義工活動（二）：想做Mentor？為有需要嘅青年提供就業諮詢
初初步入社會階段，唔少人都對於前境感到迷惘。假若我哋可以遇到一位指導員喺就業上提供建議，一定可以幫佢哋解決好多煩惱，喺分叉路上作出適合嘅選擇。
如果你都有興趣為有需要嘅青少年對象提供職涯諮詢服務，兼可以從中認識到不同背景同興趣嘅朋友，就記得唔好錯過啦！
復活節義工活動（三）：拒絕浪費食物 收集剩餘麵包
有無諗過麵包舖會點樣處理賣剩嘅飽點？會直接唔要，定係其實可以分配俾有需要嘅人？
原來全香港咁多麵包舖，每日收舖都有成千上萬個賣唔晒嘅麵包要送去堆填區！如果你都想出分力減低食物浪費，歡迎一齊拯救剩食，幫手去到本地唔同麵包店收集麵包，再分發畀社區中有需要嘅人士。呢個活動老少咸宜，大家仲可以叫埋家人朋友一齊參與，幫助解決香港食物廢棄問題，為無家者提供食物之外，你仲可以趁機遊歷香港，探索城市嘅更多面向！
香港義工配對平台推介
想知更多義工服務選擇同詳情， 不妨瀏覽Time Auction技能義工服務配對平台（Skilled-Volunteer Matching Program）！Time Auction喺2014年成立，致力推動義工文化，至今已為本地超過640+ 非牟利機構（NGOs）招募同配對技能義工，而每個禮拜都近100個新義工服務等緊你去報名幫手！
係Time Auction平台上，你更可以從服務範疇、擅長技能、服務所需時數等一站式篩選、搜尋到最啱你、符合你專長嘅義工服務；兼且可以記錄服務時數，換取各種千載難逢嘅獎賞體驗！
