【MBTI人格測試】ESFJ執政官分析 - ESFJ名人代表、ESFJ外向嘅社交表現？
ESFJ（執政官）係一種具有外向型、觀察型、感覺型同埋判斷型特質嘅人格類型。佢哋細心入微，注重人本，鍾意參與社會活動。佢哋嘅成就受到堅定嘅價值觀指引，並樂意為其他人提供指導。
對於ESFJ人格類型（執政官）嘅人嚟講，同其他人分享生活係最快樂嘅時光。呢啲社交型人格係好多社區嘅根基，佢哋對朋友、親人同鄰居十分熱情，亦都容易敞開心房。
ESFJ並唔代表佢哋鍾意所有人。事實上，佢哋更加傾向同相同價值觀及觀點嘅人建立緊密嘅聯繫。但係，無論其他人嘅信仰點樣，ESFJ型人格嘅人仍然堅信熱情好客同禮貌待人嘅力量，佢哋往往對周圍嘅人有一種責任感。佢哋慷慨、可靠，經常以大大小小嘅方式承擔起維繫家庭同社區嘅責任。
佢哋係MBTI人格測試 被稱為「執政官」，佢哋好實際同埋充滿愛心，擁有出色嘅社交同管理技巧見稱，擅長為自己同摯愛嘅人創造同維持一個安全、穩定同友善嘅環境。
ESFJ嘅人格有幾罕見？根據Ball State University數據顯示，ESFJ 屬於十分常見嘅性格類型之一，佔咗大約 12.3% 嘅美國人口，當中有30%是男性、有70%是女性。
文章目錄
ESFJ活出生活嘅美好
ESFJ 人格類型嘅人係利他主義者，佢哋認真對待回饋、服務他人同埋肩負做正確事情嘅責任。佢哋相信，喺幾乎任何情況下嘅事情都有正確方法。雖然有啲人格會採取「活到老，學到老」較為寬鬆嘅態度，但當ESFJ 發現有人走咗一條錯誤嘅道路時，佢哋會採取主動，苦口婆心令佢哋返回正途。所以，當見到有人誤入歧途，尤其係佢哋關心嘅人，佢哋通常好難接受。
ESFJ人對是非曲直有明確嘅睇法，佢哋往往偏執己見。但呢啲觀點並唔係個人嘅武斷嘅，而係基於對傳統觀念嘅執着。ESFJ 知道佢哋所做嘅每一件事都會影響到其他人，佢哋相信既定嘅法律、協議同社會規範會幫助佢哋喺日常生活中考慮周全，對其他人負責。
ESFJ建立持久關係
ESFJ 性格類型嘅人鍾意幫手、性格外向，喺派對上總係會見到佢哋嘅身影，佢哋希望每個人都玩得開心！但唔好誤會，佢哋唔係單止係玩樂型朋友。佢哋亦有建立持久關係傾向嘅一面，只要有需要幫助或者傾訴，佢哋就會出現。事實上，知道有人需要依賴佢哋、或向佢哋尋求協助，往往會令到 ESFJ 有被需要嘅感覺而感到幸福。
ESFJ 熱愛秩序同結構，佢哋更鍾意有計劃嘅活動，而唔係開放式嘅活動或者自發嘅聚會。為咗確保一切順利，佢哋好樂意主持活動。呢種人格類型嘅人花費大量精力希望其他人會認為自己係與眾不同並受到讚揚，但如果無人欣賞佢哋嘅努力，佢哋就可能會耿耿於懷。
對於好多 ESFJ 人格類型嘅人嚟講，生活中最大嘅挑戰之一就係接受自己無法控制其他人嘅諗法或者行為嘅事實。幸運嘅係，佢哋可以透過專注於自己最擅長嘅事情嚟搵到平靜同滿足感。同時，係團隊構建上，佢哋亦擅長樹立一個關心、體貼同負責任嘅榜樣，同埋喺呢個過程中將所有人團結埋一齊。
ESFJ社交表現
執政官型嘅ESFJ人格，係出名嘅社交高手，佢哋鍾意結交廣泛嘅朋友，並且證明自己好願意投放時間同精力去維繫呢啲關係。佢哋忠心同熱情，無論朋友發生乜嘢事佢哋都會支持，並且持續提供情感支援同鼓勵。總括嚟講，ESFJ好忠於友誼，佢哋覺得支持朋友既係責任，又係樂趣。
ESFJ會盡全力令朋友開心，佢哋鍾意介紹自己同埋閒聊，所以喺任何場合都受歡迎。呢種感覺佢哋係真心享受嘅，但佢哋都希望自己嘅努力同支持能夠得到回報。對於呢種人格嘅人嚟講，比一個摯友批評佢哋嘅信仰或者習慣會令佢哋感到無比傷害。
雖然ESFJ通常喺佢哋遇到嘅人當中都好受歡迎，但如果ESFJ學識更加接受唔同嘅觀點，唔係咁快就作出判斷同結論，而係嘗試去求同存異，咁樣佢哋嘅朋友圈就可以大大擴展。
ESFJ名人代表
韓國女子組合Blackpink Lisa、前美國總統克林頓 Bill Clinton、美國影星 Chris Evans。
適合ESFJ嘅義工服務
ESFJ可能會比較鍾意可以直接同人交流、幫助人嘅義工工作。ESFJ嘅人好社交，鍾意同人建立關係，同時又有強烈嘅責任感同埋組織能力。
Time Auction 有提供各種不同類型嘅義工活動去滿足ESFJ嘅內在需要，包括：
- 長者探訪：探訪老人家，同佢哋交談同表達你嘅關心，同社工報告佢哋嘅需求，鼓勵/教導佢哋在喺屋企做一啲簡單嘅運動。
- 數位轉型顧問：如有項目管理及企業解決方案制定經驗嘅 ESFJ 可以在團隊中發揮領導作用，所以可以嘗試擔任數位轉型顧問，協助實施數位解決方案並提出建議，令機構嘅工作更輕鬆，加強機構嘅服務/資源，令資源更容易存取及提高安全性，並改善內部溝通同工作流程。
仲其他更多適合ESFJ性格嘅義工服務，有興趣嘅朋友可以到Time Auction登記進行配對。
