【2025義工活動】點樣加入義工行列？5大義工服務種類推介
你對「做義工」嘅認識有幾多？好多人都未必熟悉除咗賣旗籌款同探訪老人院之外，仲有咩其他類型嘅義工服務。究竟坊間有邊啲做義工嘅途徑，可以搵到適合自己嘅義工機會呢？
其實香港大大小小嘅慈善團體或非牟利機構 (NGO) 都會招募義工，而非牟利機構嘅義工服務範疇亦非常多元化，包括技能義工 (Skilled-volunteers)，善用義工嘅個人技能同專長服務社會。你可以根據唔同嘅服務種類，或者按自己嘅喜好、關心嘅社會議題選擇義工機會。以下係5種常見嘅義工服務範疇同機構簡介畀你參考：
目錄
常見嘅義工服務範疇（一）：動物福利
如果你係狗奴、貓奴，或者鍾意動物，不妨考慮做動物義工！除咗有機會親身接觸毛孩之外，仲可以利用自己嘅一技之長，支援NGO嘅日常運作。雖然根據政府公佈的數據，動物棄養嘅數量有持續下降趨勢，但因近年的移民潮影響，保護動物慈善協會表示棄養寵物個案兩年升近三倍。因此，很多關注動物福利的團體都十分需要義工加入服務行列。
義工服務性質：清潔籠舍、照顧動物、活動推廣等
香港動物基金係一間完全依靠慈善捐款同義工支持嘅動物福祉組織，希望拯救被虐待、遺棄同走失嘅動物。
香港愛護動物協會係本港首間兼顧動物福利各方面嘅慈善團體，提倡善待動物，同時打擊同防止虐待動物。
Bring Me Home (Suppaw) 係一個寵物社交網站，亦係香港首個無償動物領養平台。
嘉道理農場暨植物園為需要支持的農民提供農業援助，幫助他們過上獨立嘅生活； 並為公眾提供休閒同教育體驗。
南大嶼山動物保護隊為有需要的貓狗提供救援、醫療、絕育、養育、庇護、寄養同領養服務，包括那些 流浪、被遺棄、受傷、虐待同忽視既貓狗，大力提倡動物福利，相信教育可以創造有利於香港動物嘅變革。
立即發掘更多！
常見嘅義工服務範疇（二）：長者服務
隨著香港長者人口上升，越來越多關注老人家嘅機構都招募緊義工，希望為老友記送上更多關懷。
義工服務性質：家居維修、網頁設計、文字翻譯等
同行共創社會服務透過「小修繕，大意義」服務項目，為獨居或雙老長者免費提供簡易家居維修，同時送上關愛，改善生活環境同家居安全。
銀杏館係香港首間策動長者就業嘅機構，為有經濟同心理上需要工作嘅長者提供就業機會。
尊賢會採用先進科技同創新營運模式，提供優質、可負擔同可持續發展嘅長者社區與居家照顧服務。
惜食天使係以“不浪費，不飢餓，有愛”為使命，拯救可食用嘅剩餘食物，並準備成營養豐富嘅熱餐，重新分配比香港嘅弱勢群體。
毋忘愛嘅使命係促進善終、環保葬禮和葬禮習俗，以及公共同私營部門採用圍繞臨終關懷同服務嘅創新。
立即發掘更多！
常見嘅義工服務範疇（三）：青年發展
青少年係社會嘅未來棟樑，除咗學習之外，唔少團體都透過各式各樣嘅計劃同活動，為青年人創造與社區連結嘅機會，你都可以加入義工團隊參與其中！
義工服務性質：課外活動策劃及協助、工作坊導師、職業指導等
Books and Beyond Reading Club為低收入家庭嘅學生提供免費英語閱讀計劃，培養學生對英文同閱讀嘅興趣。
青年成就香港部透過實踐同體驗式學習，啟發年青人為未來就業同創業做好準備。
童協基金會透過塑造嶄新嘅學習方式，激勵年輕人合作，將個人與社區連結一齊，培養年輕人成為「創變者」。
維樂天與唔同嘅夥伴、社區同專家合作，為有需要的兒童及青年提供機會，給予支援，並協助建立活躍社群，以助他們盡展潛能。
粵講粵叻希望透過教導非華裔嘅小朋友廣東話同中文，令佢地可以更易融入社區，提升佢地喺社會向上流嘅機會，並且推動香港人同少數族裔之間嘅文化交流，促進香港嘅種族共融。
立即發掘更多！
常見嘅義工服務範疇（四）：環境保護
環保議題越來越被受重視，愛護大自然、崇尚綠色生活嘅你都不妨透過參加相關嘅義工活動，為環保出一分力！
義工服務性質：項目推廣、網站技術支援、研究調查等
識揀海鮮為香港人提供環保海鮮嘅選擇指引，加深大眾對環保海鮮嘅認識，用可持續嘅方式延續本地海鮮飲食文化。
無塑海洋旨在通過教育同行動，改變當今社會大眾對塑膠嘅看法同使用方式。
再皂福係亞洲首間肥皂回收機構，收集本來將被棄置但狀況仍然良好嘅肥皂同浴室用品，經分類處理後再轉贈至有需要人士。
Redress 一直致力教育大眾同時裝業界，減少時裝界對環境造成嘅負面影響。機構透過舉辦各項活動，例如可持續發展時裝設計比賽同衣物回收，鼓勵大眾同各機構支持環保時尚。
香港綠色希望藉著回收同教育，包括山野清潔、回收街站、零廢外賣推廣等，以緩解決氣候暖化、能源危機等問題，並為環保出一分力。
立即發掘更多！
常見嘅義工服務範疇（五）：社區服務
弱勢社群喺衣食住行各方面都面對重重難關，需要得到社會更多支援。你可以透過參與NGO嘅義務工作，幫助改善有需要人士嘅生活。
義工服務性質：項目策劃、功課輔導、影片剪接等
香港基督教勵行會協助難民適應同融入社區，亦致力讓本地人了解更多佢地嘅困境，希望共建一個尊重與包容嘅社會。
同路舍為正無家人士提供直接同全面支援，裝備佢哋以擁有改變自己生活嘅能力。
Sons & Daughters 幫助遭受性剝削嘅人重獲愛、家庭同自由嘅生活。
國際十字路會盡其所能將需要幫助既人同能夠提供幫助嘅人聯繫起來，提供一個十字路口，從需求及供應鏈方面入手，致力解決全球性貧困問題。
希望枝子為香港邊緣化及弱勢社群恢復尊嚴、正義和希望。致力通過關懷、賦權同社會改革為難民、尋求庇護者同人口販運倖存者喺社區地位帶來改變。
立即發掘更多！
技能義工配對平台
香港有多個義工配對平台，如Time Auction，為本地超過640+ 非牟利機構（NGOs）同慈善團體招募同配對義工，提供每個禮拜近100個新義工服務 。義工亦可利用服務範疇、擅長技能、服務所需時數等一站式篩選、搜尋義工活動，兼且可以同記錄服務時數，換取各種千載難逢嘅獎賞體驗！
立即按此發掘適合你嘅技能義工機會！
