【2023義工活動】端午節假期攻略：無旅行去，喺香港有咩好去處？
月尾就係端午節，代表正式踏入夏季！不過香港嘅夏天真係非一般嘅熱，出街10分鐘已經身水身汗…如果唔想出街，放假可以有咩其他節目，令假期過得有意義之餘，仲可以係屋企嘆住冷氣做呢？以下為大家介紹香港一啲本地嘅義工活動，唔使出門口坐係梳化已經做到技能義工（Skilled-volunteers）。你仲可以喺服務之中Upgrade自己嘅能力同經驗，一齊捉緊機會為社會出一分力啦！
端午節義工活動推介：
端午節義工活動（一）：寫Blog分享破碎邊緣家庭嘅改變故事
每個家庭都會曾經面對各種各樣嘅人生難關，甚至一度跌入低谷，但係佢地勇於踏出第一步，作出改變，呢D故事都非常值得被紀錄同分享，為更多家庭、更多人帶來意想不到嘅影響！
如果善長文字寫Blog嘅你，只需要透過你嘅少少力量，就可以幫助訴說佢地嘅親身經歷同「改變」，令更多人關注家庭議題之餘，仲為其他家庭帶來影響力！有興趣嘅朋友，即Click入去睇睇呢個義工項目！
端午節義工活動（二）：想做Mentor？為少數族裔嘅年輕人提供就業培訓
初初步入社會階段，唔少人都對於前境感到迷惘，更何况係唔叻廣東話嘅弱勢少數族裔（Ethnic Minority）。佢地要係香港搵工作，往往更需要協助同培訓，以提升佢地嘅自信同能力去自力更生。由於係香港嘅機會同實習/求職培訓有限，其實我地每個人都可以抽空一個鐘為佢地做個簡單線上培訓，同佢地分享下有關寫履歷、面試技巧等專業知識，幫助縮小佢地係社區上就業能力嘅差距。
如果你都有興趣為有需要嘅弱勢少數族裔提供簡單嘅培訓，支持佢地就業並提升自信，就記得唔好錯過啦！
端午節義工活動（三）：支持身體多樣性 構思創作Instagram內容
身型從來無「正常」或「完美」嘅存在。無論種族、體型同性取向，社會上需要對身體多樣性同正面性概念嘅積極文化！如果你善長Social Media Marketing（Instagram）同識用CANVA，想一齊推動身體多樣性嘅社會文化，就報名呢個咁有意義嘅義工項目啦！
其他義工機會：香港義工配對平台推介
想知更多義工服務選擇同詳情， 不妨瀏覽Time Auction技能義工服務配對平台（Skilled-Volunteer Matching Program）！Time Auction喺2014年成立，致力推動義工文化，至今已為本地超過660+ 非牟利機構（NGOs）招募同配對技能義工，而每個禮拜都近100個新義工服務等緊你去報名幫手！
係Time Auction平台上，你更可以從服務範疇、擅長技能、服務所需時數等一站式篩選、搜尋到最啱你、符合你專長嘅義工服務；兼且可以記錄服務時數，換取各種千載難逢嘅獎賞體驗！
