【想為環保出一分力？】Time Auction搵到符合你專長嘅義工服務
隨住社會高速發展，香港嘅環保問題越來越備受關注，當中垃圾處理等嘅問題其實可以透過資源重新分配同減少浪費而得到解決，除咗政策以外，亦非常需要大力推廣同公眾參與，例如負責任消費 (Responsible consumption)、分類回收 (Recycling) 等低碳生活 (Low-carbon living)。
近期流行嘅技能義工 (Skilled volunteers) 就係一個為環保出一分力嘅好機會，無論你係學生定係打工仔，都可以利用自己嘅專長同興趣回饋社會。以下係本港一啲與環境 (Environment) 相關嘅非牟利機構 (NGO)，俾你了解一下佢哋嘅服務同理念：
Redress 一直致力教育大眾同時裝業界，減少時裝界對環境造成嘅負面影響。機構透過舉辦各項活動，例如可持續發展時裝設計比賽同衣物回收，鼓勵大眾同各機構支持環保時尚。
無塑海洋旨在通過針對學校、企業團體嘅教育同活動，改變當今社會大眾對塑膠嘅睇法同使用方式。
再皂福係亞洲首間肥皂回收機構，收集本來將被棄置但狀況仍然良好嘅肥皂同浴室用品，經分類處理後再轉贈至有需要人士，以解決社會健康及衞生方面嘅需要，並提供就業機會同青年培訓。
香港綠色希望藉著回收同教育，包括山野清潔、回收街站、零廢外賣推廣等，以緩解決氣候暖化、能源危機等問題，並為環保出一分力。
綠色時刻旨在推廣並讓基層市民共同參與綠色生活。透過舉辦清潔活動，以及食物減廢活動，以提高社會各界對環境保護嘅意識同重視。
以上幾間關注環境保護嘅機構都不時需要技能義工支持運作，如果你都想出一分力，可以考慮以下嘅義工服務：
義工服務（一）：研究調查員 (Research Surveyor)
環保同我哋嘅日常生活息息相關，有關機構要定期關注事態發展而安排相應嘅研究同社區計劃，當中包括市民生活同消費習慣嘅調查。以可持續海鮮 (sustainable seafood) 為例，環保機構需要義工幫手紀錄同調查超級市場出售嘅海鮮來源種類比例，從而了解市民同企業對可持續海鮮嘅認識和關注，而調查結果將有助為機構嘅公眾教育計劃訂立方向。
義工服務（二）：回收調查員 (Recycling Surveyor)
廢物回收 (recycling) 喺香港已經推行多年，但成效仍然未如理想。為咗更有效地了解各地區嘅回收情況，有啲環保組織會招募義工協助調查公共回收點同埋垃圾箱嘅分佈同使用情況，以助改善香港嘅垃圾問題。
義工服務（三）：公共關係顧問 (PR Advisor)
環保議題需要持之以恆嘅公眾推廣同教育，因此公關 (PR) 嘅宣傳工作不可或缺。由於非牟利機構嘅資源有限，佢哋好需要一班熱心而有經驗嘅技能義工協助宣傳，例如制定宣傳計劃、撰寫新聞稿、編輯海報內容等，希望將可持續發展嘅理念宣揚開去，提高大眾嘅認識同參與程度。
香港義工配對平台推介
想知更多義工服務選擇同詳情，不妨瀏覽Time Auction技能義工服務配對平台 (Skilled-Volunteer Matching Program)！Time Auction喺2014年成立，致力推動義工文化，至今已為本地超過660+ 非牟利機構（NGOs）招募同配對技能義工，而每個禮拜都有近100個義工服務等緊你去報名幫手！
係Time Auction平台上，你可以從服務範疇、擅長技能、服務所需時數等一站式篩選、搜尋到最啱你、符合你專長嘅義工服務；兼且可以記錄服務時數，換取各種千載難逢嘅獎賞體驗！
做義工幫人出分力，又可以用鐘換獎賞，即Click以下連結開始啦！
