【想支持社會共融？】Time Auction搵到符合你專長嘅義工服務
喺香港，不論種族、宗教、職業、社會地位、性別同傷健等，每個人嘅權利（Human rights）都受到《基本法》同《香港人權法案條例》等法律同條例保障。要達至社會共融（Social inclusion），需要社會各界多方面嘅協調同推廣。
以下係本港一啲與社會共融、人權相關嘅非牟利機構（NGO），你可以先了解一下佢哋嘅服務同理念，然後喺空閒時間考慮參與技能義工（Skilled-volunteers），利用自己嘅專長同興趣回饋社會。
香港社區組織協會 Society for Community Organization
香港社區組織協會致力推動公民權利教育，以及提供專業社會福利服務，主要服務對象包括籠屋、板房租戶、獨居老人、新移民婦女、貧窮兒童、露宿者、精神病康復者、低薪工人、難民及少數族裔等。
小彬紀念基金會致力推廣多元共融文化，並改善香港少數族裔嘅生活。基金會專注於未受足夠關注嘅社會議題，例如不同種族和有特殊教育需要（SEN）的非華語兒童等，希望推動社會共融。
天國兒女透過接觸社會邊緣人士，向本港嘅性工作者提供真實嘅工作環境同培訓，以及其他外展服務，幫助佢哋退出紅燈區同商業性行業，並恢復經濟獨立同自由嘅生活。
和諧之家係一間為受虐婦女同其子女提供庇護服務嘅機構，至今已發展成為一站式嘅家暴防治中心。機構亦透過唔同類型嘅社區教育活動，推廣和諧健康嘅家庭關係，更為跨專業人士提供培訓，並倡議政策及法律改革。
基督教勵行會難民服務中心 Christian Action Centre for Refugees
香港基督教勵行會主要服務弱勢、被邊緣化及流離失所的社群，以及被遺棄兒童，協助佢哋適應同融入社區，亦致力讓本地人了解更多佢地嘅困境，藉此共建一個尊重同包容嘅社會。
以上幾間關注人權同社會共融嘅非牟利組織都不時需要技能義工支持運作，如果你都想出一分力，可以考慮以下嘅義工服務：
義工服務（一）：活動籌款義工（Fundraising Volunteer）
非牟利團體同慈善機構透過籌款活動、募捐計劃等嘅形式籌集資金，去支援有需要人士同維持機構嘅日常運作，因此籌款活動對機構嘅發展至關重要。
活動籌款義工負責協助籌備活動，包括制定活動計劃、安排場地、聯絡贊助商、媒體宣傳同推廣等各項細節，因此從事市場推廣（marketing）、傳訊（communications）同大型活動統籌（event planning）、項目管理（project management）嘅人士非常適合。佢哋需要具備組織能力、溝通能力同埋創意，以確保活動得以順利舉行，協助慈善機構籌集所需資金。
【立即申請】
義工服務（二）：瑜伽導師（Yoga Teacher）
瑜伽有助減輕生活壓力，同時促進身心健康。有啲團體會安排瑜伽課程俾會員參與，例如外籍傭工同婦女，幫助佢哋舒緩身心、排解負面情緒。
義務瑜伽導師需要有耐心同具備相關嘅瑜伽知識，按著學員嘅學習進度進行相應嘅調整和指導，從而協助學員放鬆心情，享受做瑜伽嘅樂趣。
【立即申請】
義工服務（三）：電話熱線義工（Hotline Volunteer）
電話熱線義工主要提供情緒支援（Emotional support）同相關嘅資訊協助，聆聽致電人士嘅困難同需要，並提供法律、醫療資訊、危機處理技巧等嘅實質協助，以便處理佢哋所遇到嘅難題。
呢類技能義工需要耐性同有良好嘅溝通技巧，而有關機構亦會提供相關嘅專業培訓，讓義工（Skilled-volunteers）即時同有效地回應來電者嘅問題同需求。
【立即申請】
其他義工機會：香港義工配對平台推介
想知更多義工服務選擇同詳情，不妨瀏覽Time Auction技能義工服務配對平台（Skilled-Volunteer Matching Program）！Time Auction喺2014年成立，致力推動義工文化，至今已為本地超過620+ 非牟利機構（NGOs）招募同配對技能義工，而每個禮拜都有20 - 30個新義工服務等緊你去報名幫手！
係Time Auction平台上，你可以從服務範疇、擅長技能、服務所需時數等一站式篩選、搜尋到最啱你、符合你專長嘅義工服務；兼且可以記錄服務時數，換取各種千載難逢嘅獎賞體驗！
做義工幫人出分力，又可以用鐘換獎賞，即Click以下連結開始啦！
