【想支持社區發展？】Time Auction搵到符合你專長嘅義工活動
喺以前讀書階段，可能你已經試過參與唔同義工服務，例如賣旗、老人院探訪等等⋯⋯但係，其實宜家嘅義工服務已經同以前好唔同！現時嘅義工活動多元化得嚟新穎有趣，甚至可以足不出戶坐係梳化，就做到技能義工（Skilled-volunteers），利用自己嘅專長同興趣貢獻社會。以下為大家介紹一下同社會發展 （Community Development）嘅非牟利機構（NGO），你可以了解一下佢哋嘅服務同理念，參與其中：
國際十字路盡其所能將需要幫助既人同能夠提供幫助嘅人聯繫起來，提供一個十字路口，從需求及供應鏈方面入手，致力解決全球性貧困問題。
免「廢」暢飲喺一次性飲品包裝工作小組發起既倡議，由飲料製造商、進口商、廢物處理同回收商、公共機構、零售商同非政府機構所組織嘅聯盟。 致力將廢棄飲品包裝數量減少及支持推行「生產者責任制」。
Sons & Daughters組織致力幫助遭受性剝削既人士重新獲得愛、家庭同自由嘅生活。
同路舍向無家可歸人士提供直接的全面支持，幫助佢哋喺安全既屋企安頓下來，恢復身心健康，建立自尊，增加會資本並尋覓人生目標。
希望枝子為香港邊緣化及弱勢社群恢復尊嚴、正義和希望。致力通過關懷、賦權同社會改革為難民、尋求庇護者同人口販運倖存者喺社區地位帶來改變。
義工服務（一）： 友師哥哥 / 姐姐（Mentor）
如果喺成長路上能夠遇上一個人，亦師亦友，對於個人發展同成長當然有極大幫助。成為友師哥哥或姐姐，每月只需同小四至中四嘅同學仔聯絡一次，傾下偈關心佢哋嘅現狀，有時開解下佢哋，分享生活上嘅點滴。聯絡方式不限，方便平時各位生活忙碌嘅大家，只需抽少少空餘時間關心一下有需要嘅同學仔，而且年齡經驗不限，想成為義工只要有心就可以！
義工服務（二）： 社交媒體撰稿員（Social Media Copywriter）
平時玩開Social Media嘅你，有無諗過影相、寫Caption、Copywriting同出Post，已經可以參與到義工服務？識得數碼營銷嘅你，只要有意學習或有一定Digital Marketing工作背景嘅朋友都可以申請，最重要係可以為社會精神健康問題發聲，出一分力。
義工主要工作包括：季度性支持NGO嘅Marketing團隊，每月撰寫3至4篇文案同唔同背景、經驗嘅人一齊工作，認識新朋友，而且每星期最少服務2小時就可以參與。想了解同學習Digital Marketing嘅朋友，不容錯過呢個義工機會啦！
義工服務（三）： 活動助理 / 活動攝影師（Event Assistant / Photographer）
專長係市場營銷（Marketing）、活動管理及公關（Event Management & PR）、創意媒體（Creative Media）嘅朋友，咁就可以留意一下有關活動助理 / 活動攝影師嘅義工服務。而呢個服務不限經驗，亦都適合畢業想入行嘅朋友仔，去儲經驗放入CV。服務範圍包括協助統籌並實行活動、專案管理、後勤支援、活動拍攝等等。有興趣出分力嘅，就去申請啦！
香港義工配對平台推介
想知更多義工服務選擇同詳情，不妨瀏覽Time Auction技能義工服務配對平台（Skilled-Volunteer Matching Program）！Time Auction喺2014年成立，致力推動義工文化，至今已為本地超過640+ 非牟利機構（NGOs）招募同配對技能義工，而每個禮拜都近100個新義工服務等緊你去報名幫手！
係Time Auction平台上，你可以從服務範疇、擅長技能、服務所需時數等一站式篩選、搜尋到最啱你、符合你專長嘅義工服務；兼且可以記錄服務時數，換取各種千載難逢嘅獎賞體驗！
做義工幫人出分力，又可以用鐘換獎賞，即Click以下連結開始啦！
